Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"22 ditë nga përfundimi i regjistrimit të emigrantëve", Rama: 11 maji do të jetë votim historik, fjala e çdo shqiptari jashtë kufijve vlen
r.llPërditësimi i fundit 10 Shkurt 2025, 09:28
edi rama
TIRANË- Kryeministri Edi Rama përmes një video-mesazhi në rrjetet sociale iu ka bërë thirrje emigrantëve të regjistrohen për të votuar në zgjedhjet e 11 majit. Rama shprehet se kanë mbetur 22 ditë nga regjistrimi i zgjedhësve në diasporë për 11 majin të cilin e cilësoi si votim historik për shkak se shqiptarët e Evropës dhe jo vetëm do të votojnë nga jashtë kufijve, nga aty ku janë me postë. Më tej thotë se fjala e çdo shqiptari jashtë kufijve vlen. Kreu i qeverisë thotë deri më tani numri i të regjistruarve është premtues por mund të jetë edhe më i madh akoma me regjistrimet në ditët në vazhdim.
"Nga PS, 22 ditë nga përfundimi i regjistrimit të zgjedhësve në diasporë, 11 maj do të jetë votim historik edhe për faktin se për herë të parë shqiptarët e Evropës dhe të mbarë botës do të votojnë nga jashtë kufijve, nga aty ku janë me postë. Por kush do të bëhet pjesë e kësaj historie të re për demokracinë tonë duhet të regjistrohet deri në 4 mars se votimi bëhet me postë dhe koha për tja çuar fletën e votimit në shtëpi çdo zgjedhësi me një zarf të parapaguar edhe për kthimin është e domosdoshme.
Deri më tani numri i të regjistruarve është premtues por pa diskutim mund të jetë edhe më i madh akoma. Fjala e çdo shqiptari jashtë kufijve vlen, gjykimi i çdokujt që e sheh progresin e Shqipërisë tonë të përbashkët nga një distancë e arsyeshme vlen. Dhe unë mezi pres që të shoh se cili do të jetë gjykimi i shqiptarëve të Evropës dhe të botës për Shqipërinë e çliruar nga hija e zezë e paragjykimeve të deri djeshme, për Shqipërinë e respektuar nga Evropa dhe bota si asnjëherë më parë dhe që në mandatin tonë të 4 do të hedhë hapin përfundimtar të anëtarësimit në BE. Regjistrohuni, mos e lini për ditën e fundit kur edhe mund të ngarkohet faqja e KQZ dhe të bëhet më pas shumë më e vështirë.", thotë Rama në videon e mëposhtme.
