Zgjedhjet parlamentare/ Reagon Meta: Kosova shembull i jashtëzakonshëm! Rruga e vetme që duhet ndjekur për të shpëtuar demokracinë

Ilir Meta

TIRANË - Presidenti i Partisë së Lirisë, Ilir Meta ka reaguar pas përfundimit të procesit zgjedhor në Kosovë. Në një reagim në rrjete sociale, në faqen zyrtare të Metës shkruhet se Kosova është një shembull i jashtëzakonshëm sa i takon procesi zgjedhor.

Reagimi vijon më tej se procesi që u ndoq në Kosovë është rruga e vetme që duhet ndjekur edhe në Shqipëri për të shpëtuar demokracinë dhe shtetin e së drejtës. 

Postimi i Metës:

Urimet më të mira qytetarëve dhe klasës politike në Kosovë, që nëpërmjet procesit të sotëm tërësisht paqësor dhe shumë të rregullt të votimit dhanë sërish një shembull të shkëlqyer të funksionimit të demokracisë, shtetit ligjor dhe garantimit të votës së lirë.
Për Shqipërinë, që vuan nën thundrën e Narkoqeverisjes dhe përpjekjeve kriminale për asgjësimin e pluralizmit politik përmes shkatërrimit të zgjedhjeve të lira dhe të ndershme, Kosova është një shembull i jashtëzakonshëm dhe rruga e vetme që duhet ndjekur për të shpëtuar demokracinë dhe shtetin e së drejtës.

ilir meta kosove zgjedhjet 9 shkurt 2025