Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"5 prokurorë të Posaçëm nisen drejt Amerikës Latine!" SPAK grup hetimor në Brazil, "shënjestra", përfshirja e shqiptarëve në trafikun e kokainës
M.B.Përditësimi i fundit 28 Tetor 2024, 12:18
TIRANA- Kreu i SPAK Altin Dumani së bashku me 4 prokurorë kanë udhëtuar drejt Brazilit pasi një grup i përbashkët hetimor po heton përfshirjen e disa shqiptarëve në linjat e trafikut të kokainës nga Brazili në drejtim të Evropës. Dumani shoqërohet nga prokurorët Arben Kraja, Adnand Xholi, Elida Kaçkini dhe Vladimir Mara. Bëhet me dije se veç bashkëpunimit, 5 prokurorët e SPAK, do të marrin pjesë edhe në një konferencë ndërkombëtare.
Prokurorët pritet të zhvillojnë takime dhe me drejtues të prokurorisë së Brazilit, ku qëllimi është ngritja e skuadrave të përbashkëta hetimore për rastet kur në trafikun e kokainës konstatohet se janë të implikuar dhe shqiptarë.
Gjithashtu bëhet me dije se SPAK ka pasur një praktikë hetimore me autoritet e Brazilit, lidhur me trafikun e 69 kg kokainë të sekuestruar në datën 18 Maj 2021 në anijen “NSC Atros”.
Po ashtu raportohet se një rast tjetër kur drejtuesit e SPAK, kanë shfaqur interes për të shkuar në këtë vend, lidhet dhe me episodin e ndodhur në 2 shtator 2019 në Gefron të Brazilit, ku u sekuestruan brenda një kontinjeri ngarkesa prej 617 kg kokainë ku pakot ishin të identifikuara me logon e Futboll Club Elbasanit.
