A ia "hodhi" Veliaj hetimeve për aferën 5D? Gazetarja Lala: Dosja ka edhe një fraksion të katërt...

lala, veliaj

TIRANË- Gazetarja Klodiana Lala ka folur për hetimet e aferës 5D nga SPAK, ku sot është njoftuar përfundimi i hetimeve për një tjetër fraksion të kësaj dosje. 

E ftuar në emisionin "Të Paekspozuarit", gazetarja Lala tha se hetimet për 5D nuk kanë përfunduar dhe se ka edhe një fraksion të katërt të kësaj dosje, ndaj sipas saj për Veliajn nuk ka përfunduar mundësia për t'u hetuar. 

Pjesë nga intervista: 

Klodiana Lala: SPAK ka dërguar tani fraksionin e dytë të dosjes 5D, ku kryesore është Deborah Keci, institucion në varësi të Bashkisë së Tiranës. Nga ana tjetër, Eglantina Zere rezulton se ka favorizuar kompaninë 5D që zotërohej nga Redi Molla dhe Mariglen Qato duke dhënë tender, kur dokumentat janë bërë nga punonjës të 5D. E gjithë administrate e Erion Veliajt është në probleme me ligjin sot që flasim. Fraksioni i katërt po vijohet, është në hetim. Afera 5D ka edhe një fraksion të ri.

Ola Xama: Te njoftimi i SPAK ku mbylli gjykimin tha ka edhe dy fraksione të tjera. Sot u njoftua se ishin mbyllur hetimet. Pse nuk e kishte edhe fraksionin 4?

Klodiana Lala: Janë disa vepra penale që kanë afate të limituara, nëse kalon afati parashkruhet. Janë procedura të tjera pa emra të personave nën hetim, sepse kur shënohet emri afati nuk është më shumë se 6 muaj. Po të shohësh të gjithë çështjet kur shënohet emri, ka afate të limituara.

Ylli Rakipi: Pra përfundimisht, mbyllet dosja 5D apo vijon?

Klodiana Lala: Ka procedura tenderuese që po vijon hetimi. Nëse rezultojnë të dhëna për Veliajn si Kryetar Bashkie që ka kryer shkelje, mund të bashkohet me çështjen kryesore.

klodiana lala erion veliaj