Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Aktet e djeshme me qëllim të dyfishtë!" Berisha: Para regjimit nuk ulet koka, me Ramën do të ketë vetëm betejë
M.BPërditësimi i fundit 22 Tetor 2024, 22:00
TIRANA- Kreu i Partisë Demokratike, Sali Berisha tha sot se me kryeministrin Edi Rama do të ketë vetëm betejë. I ftuar në emisionin "A Show" në SYRI TV, Berisha tha se aktet e djeshme Rama i ka më qëllim të dyfishtë, i pari për të shfryrë dufin me Ilir Metën dhe së dyti, sipas tij, për të mbjellë frikë në të gjithë vendin. Ai shtoi se sot çdo qytetar në këtë beteje ka vetëm një armë dhe kjo armë është guximi i tij.
"Betejë, betejë dhe vetëm betejë. Diktaturës nuk i ulet koka. Meqë jam në këtë moment kam një thirrje për të gjithë intelektualët, kjo thirrje shkon për ata për një arsye, sepse pa diskutim ata janë dija e kombit. Por nuk duhet të harrojmë kurrë që konformizmi i tyre me të keqen me regjimin është armiku i tyre me i madh
Sot çdo qytetar në këtë beteje ka vetëm një armë dhe kjo armë është guximi i tij. Sot janë aktuale fjalët e Papa Gjon Palit 2 “ Mos ki frikë” me të cilët frymëzoi miliona luftëtar anti komunist të ngrihen kundër diktaturave.
Aktet e djeshme Rama i ka më qëllim të dyfishtë, i paru për të shfryrë dufin me Ilir Metën dhe së dyti për të mbjellë frikë në të gjithë vendin, por kujtoj fjalët e Papa Gjon Palit- Mos keni frikë- dhe kjo është absolutisht rruga për tu çliruar nga ky regjim bandi, jam i bindur që kjo diktaturë nuk ka të ardhme", tha Berisha.
