Anëtarësimi në BE, Rama: Sot jemi me ta, si një i dashuruar por që ajo të sheh me dyshim

edi rama

TIRANË- Në prezantimin e programit për infrastrukturën e "Shqipërisë 2030", kryeministri Edi Rama ka folur edhe për anëtarësimin e vendit në Bashkimin Europian. Duke bërë batuta, Rama tha se sot me BE "jemi si një i dashuruar por që ajo të sheh me dyshim". Ai tha se duhet të luftojmë çdo ditë që të realizohet qëllimi kryesor, ai i futjes në BE.

Rama: Se sot ne jemi si ata të dashuruarit që ti je i dashuruar, por ajo të sheh me dyshim. Të fton tek shtëpia e prindërve të dielën, ti vishesh, rregullohesh, zbukurohesh sa mundesh, shkon aty përpiqesh të sillesh mirë etj. Pastaj del dhe rri pret të dielën tjetër. Pret, si ju duka vjehrrës dhe vjehrrit të ardhshëm, cfarë tha kunata e ardhshme. Është tmerr kjo. Natyrisht ata janë familje e pasur, ti je dinjitoz, por…sss…në momentin kur ti futesh atje dhe të thotë vjehrri dhe vjehrra do marrësh drejtimin e kësaj pjese të kompanisë tonë, ti kalove dhe u bërë aksioner. Shkon pastaj dhe thua ishalla spo më fton të dielën se nuk kam kohë. Kështu që për këtë duhet të luftojmë dhe këtë duhet të realizojmë dhe unë jam i bindur që do ta realizojmë.

edi rama