Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
POLITIKE
Ilir Alimehmeti kandidat përballë Ogerta Manastirliu? Ja si përgjigjet Berisha dhe hedh akuza të rënda ndaj kandidates së PS: ‘Korba e Covid’
PiranjatPërditësimi i fundit 11 Shtator 2025, 17:54
Ndërsa socialistët prezantuan sot kandidaten e tyre për Bashkinë e Tiranës edhe pse zgjedhjet nuk janë dekretuar, Partia Demokratike ende nuk ka një kandidat të saj.
I pyetur nga gazetarët nëse e ka të projektuar një rival të mundshëm për Ogerta Manastirliun, Berisha tha se “Partia Demokratike ka figura, personalitete të shquara për t’i paraqitur qytetarëve të Tiranës që mishërojnë më së miri çdo vlerë përballë një personi që është simbol i zi për Tiranën dhe kombin, që nuk mund të ketë kurrë emër tjetër, përveçse ‘Korba e Covid-it’.”
Në një tjetër pyetje, lidhur me mundësinë që mjeku Ilir Alimehmeti të jetë kandidati i PD për Bashkinë e Tiranës, Berisha nuk e mohoi, por u tregua i kujdesshëm, duke lënë të kuptohet se vendimi nuk merret individualisht.
“Po tani, a më shkon mua që të avancoj në këtë moment pa një diskutim, po vetëm nga mendja ime? Kjo nuk ndodh. Por Ilir Alimehmeti është një personalitet i shquar i Partisë Demokratike, i denjë për t’u promovuar për shumë funksione.”
Gazetarët: Z.Berisha a e keni të projektuar në mendje rivalin e znj.Manastirliu?
Sali Berisha: Unë mendoj se Partia Demokratike ka figura, personalitete të shquara për t’i paraqitur qytetarëve të Tiranës që mishërojnë më së miri çdo vlerë përballë një personi që është simbol i zi për Tiranën dhe kombin, që nuk mund të ketë kurrë emër tjetër, përveçse “Korba e Covid-it”.
Gazetarët: Z.Berisha a mund të ishte Ilir Alimehmeti kandidati i PD për Bashkinë e Tiranës?
Sali Berisha: Po tani, a më shkon mua që të avancoj në këtë moment pa një diskutim po vetëm nga mendja ime? Kjo nuk ndodh, por Ilir Alimehmeti është një personalitet i shquar i Partisë Demokratike, i denjë për t’u promovuar për shumë funksione.
