Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
POLITIKE
Bardhi akuzon Peleshin: Shkelje flagrante e Rregullores, Këshilli i Imuniteteve të mblidhet menjëherë
PiranjatPërditësimi i fundit 29 Janar 2026, 12:57
Kreu i Grupit Parlamentar Demokrat, Gazment Bardhi, akuzoi Niko Peleshin, për shkelje flagrante të Rregullores së Kuvendit.
Gjatë Konferencës së kryetarëve ai tha se kërkesat e opozitës për mbledhjen e Këshillit të Imuniteteve janë refuzuar pesë herë, ndërkohë që mbledhja e parashikuar për më 28 janar u anulua dy orë para nisjes me një urdhër që përmbante të dhëna të rreme.
Bardhi e konsideroi këtë një sjellje arbitrare dhe pa bazë ligjore, duke theksuar se vendimi i Peleshit për të shtyrë mbledhjen deri pas vendimit të Gjykatës Kushtetuese nuk ka asnjë lidhje me ligjin dhe shkel Kushtetutën.
Ai akuzoi ministrin se ka marrë në mbrojtje korrupsionin e Edi Ramës dhe Belinda Ballukut, duke kërkuar që Këshilli i Imuniteteve të mblidhet menjëherë për të hapur rrugën drejt drejtësisë.
Fjala e tij:
Zoti Peleshi, jeni në shkelje flagrante të Rregullores. E kemi kërkuar pesë herë mbledhjen e Këshillit të Imuniteteve, por e keni refuzuar. Vendosët ta mblidhnit më datë 28, por dy orë para mbledhjes, me një urdhër që përmbante të dhëna të rreme, e keni anuluar mbledhjen.
Kështu siç e keni shkruar, edhe pse jam i bindur se nuk e dini se çfarë keni shkruar, i bie që Këshilli të mblidhet pas dy muajsh. Mjafton të lexosh ligjin për funksionimin e Gjykatës Kushtetuese. Pra, ju thoni që do ta mblidhni Këshillin pas vendimit të Gjykatës Kushtetuese, ndërkohë që Gjykata ka më shumë se dy muaj kohë për t’u shprehur.
Kjo është një sjellje arbitrare dhe argumentet kanë zero bazë, qoftë në Kushtetutë apo në Rregullore. Askund nuk thuhet që Kuvendi duhet të presë të shprehet një institucion tjetër për një çështje që nuk ka lidhje me ne. Ka vetëm një shpjegim: ju keni marrë në mbrojtje korrupsionin e Edi Ramës dhe Belinda Ballukut.
nga Klodian Tomorri:
Gjykata Kushtetuese po ben grusht te bute shteti
Per cfare i duhet gjithe kjo kohe Gjykates Kushtetuese per te marr vendim? Keta nu...
