Ka nisur në gjykatë seanca për caktimin e masës së sigurisë ndaj këngëtarit Jozefin Marku dhe shoferit të tij, Kr...
POLITIKE
Berisha: Edhe SHBA pranoi se 21 Janari ishte pjesë e një agjende dhune të PS-së
PiranjatPërditësimi i fundit 19 Nëntor 2025, 11:19
Pas daljes nga SPAK, kryetari i PD-së, Sali Berisha, lëshoi akuza të forta ndaj kryeministrit Edi Rama lidhur me ngjarjet e 21 janarit. Ai deklaroi se protesta e asaj dite ishte organizuar dhe nxitur nga vetë Rama, me qëllim marrjen e pushtetit përmes dhunës.
Berisha theksoi se jo vetëm ai, por edhe autoritetet ndërkombëtare dhe vetë qeveria amerikane kanë pranuar se Partia Socialiste kishte një agjendë dhune në protestën e 21 janarit 2011.
Sipas tij, kjo ishte një nga protestat më të dhunshme që ka njohur vendi, e orkestruar për të rrëzuar qeverinë e kohës dhe për të krijuar kaos institucional.
Berisha:Kjo mosthirrje flet më shumë se çdo gjë tjetër, sepse kjo mosthirrje kishte të bënte vetëm me faktin se Edi Rama organizoi për epshet e pushtetit të tij, protestën më të dhunshme në historinë e vendit.
Ky ishte shkaku i mosthirrjes. Autoritetet ndërkombëtare, qeveria e SHBA ka deklaruar dhe ka rideklaruar se me 21 janar, PS kishte axhendë dhune. Ku janë ata mbështetësit e saj? Nuk janë këtu. Ta marrin vesh ata, pra kishte agjendë dhune. Kjo është e vërteta. Pikërisht kjo deklaratë është bërë shkak që të mos thirrem unë për t’u pyetur për një ngjarje dramatike, që u kushtoi jetën 4 demonstruesve, plagosjen e mbi 120 policëve, etj. Tani, dëshminë time, ju mund të rrëmoni sa të doni, por do gjeni ato që kam thënë.
