Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
POLITIKE
Berisha “demaskon” Ramën: Do të miratojë “amnistinë Fiskale” për të pastruar me ligj paratë e drogës
PiranjatPërditësimi i fundit 9 Dhjetor 2025, 12:55
Kryetari i PD-së, Sali Berisha akuzoi kryeministrin Edi Rama, se miratoi në parim ligjin për amnistinë fiskale i cili në të vërtetë, do të shërbejë për të pastruar paratë e drogës që do të vijnë nga organizata kriminale.
“SHBA dhe BE e kundërshtuan në mënyrën më të prerë para dy vitesh, Rama e votoi në parim në parlament. Ky akt është mbështetja më e madhe që u ka bërë karteleve të drogës”, tha Berisha.
Pjesa në fjala e Berishës:
“Me të ashtuquajturën paqe fiskale ka amnistuar paratë e kokainë dhe kanabis, jo vetëm kaq por edhe të ortakëve të tyre në Amerikën latine. SHBA dhe BE e kundërshtuan në mënyrën më të prerë para dy vitesh, Rama e votoi në parim në parlament. Ky akt është mbështetja më e madhe që u ka bërë karteleve të drogës.
PD dhe deputetët e saj në komisionet përkatëse kanë mbajtur qëndrime të prera kundër kësaj përpjekje, kanë bërë amendamente shumë të qarta por nuk është marr parasysh asnjë prej tyre nga mazhoranca, Shqipëria është lavatiçja e pastrimit të parave të drogës më e madhja në europë, tre herë më shumë se treguesi i BE-së.
Në këtë ligj ka mungesë të transparencës për qytetarët. Fondi Monetar ndërkombëtar ka paralajmëruar për rreziqet që mund të vijnë prej amnistisë fiskale.
Opozita ka kërkuar të përfshihen autoritetet përkatëse për parandalimin e kësaj veprimtarie të dëmshme, vetëm kështu do të parandalohej pastrimi i parave. Ky fenomen do të shkatërrojë ekonominë shqiptare. Edi Rama atë që nisi dy vite më parë e bitisi në mandatin e katërt, ku miliarda lekë janë futur në vendin tonë nga droga. “
