Berisha: Çdo qindarkë e paguar për të bërë transparencë nga unë dhe familja ime, është bërë në rrugë bankare dhe e deklaruar në ILDKPI

sali berisha

TIRANË- Kryetari i Partisë Demokratike, Sali Berisha tha se ministri Taulant Balla foli në Kuvend për pagesat që ka bërë ai në Angli për avokatin. Në përgjigjen e tij për ministrin, Berisha tha se çdo qindarkë e paguar nga ai apo familjarët e tij është bërë në rrugë bankare dhe është e deklaruar në ILDKPI. Ai shtoi më tej se çdo qindarkë është e ardhur nga burime të ligjshme dhe të deklaruara.

"Ju e dëgjuat Taulant Begoyarisin që bëri një deklaratë për pagesat që kam bërë unë në Angli për avokatin. Tani përgjigja ime: Çdo qindarkë e paguar për të bërë transparencë nga unë dhe familja ime, është bërë në rrugë bankare. Çdo qindarkë është deklaruar në ILDKPI. Asgjë pa deklaruar. Çdo qindarkë është tatuar dhe e ardhur nga burime të ligjshme dhe të deklaruara. Paratë e paguara nuk vijnë nga biznese që ditën fitojnë tendera dhe natën derdhin ryshfete në llogaritë e Jolkës dhe Erionkës, apo të Edit dhe të Lindës, të dyve. Nuk është bërë me eurot apo fondet e taksëpaguesve europianë apo amerikanë, që pëfundojnë në fustanet e Jolkës, në orgjitë e Erionit.

Nuk janë paratë e inceneratorit që nuk ekziston, të grabitura nga Edi Rama dhe Erion Veliaj. Nuk janë as paratë e checkup që lë pa ilaçe të sëmurët me sëmundje malinje. Nuk janë paratë e sterilizimit, të grupit të strukturuar kriminal me në krye Edi Ramën. Nuk janë paratë që Edi Rama përmes Duçkëve të tij, i jep për të korruptuar McGonigalin. Nuk janë as nga lidhjet me bandën e Elbasanit, që përdor Taulant Balla kjo prostitutë politike për të burgosur kundërshtarët e tij politikë. Kjo është deklarata lidhur me ato ç’ka tha njeriu me 5 mbiemra, njeriut të cilit prap ua kam lexuar dhe lexoj, sepse është minierë në botën e nëndheshme.", tha Berisha.

sali berisha