Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
Veliaj mbërriti paraditen e sotme në paraburgimin e Durrësit, gazetarja: Policia vlerësoi ta mbajë dhe dje në bllokun e sigurisë! A është shkelur ligji dhe nga kush?
r.llPërditësimi i fundit 13 Shkurt 2025, 15:04
erion veliaj
TIRANË- Gjykata e Posaçme la dje në fuqi masën e sigurisë "arrest në burg" për kryebashkiakun e Tiranës, Erion Veliaj. Gazetarja Glidona Daci shprehet se pas shpalljes së këtij vendimi, policia ka komunikuar me burgjet dhe kryebashkiaku në vend që të nisej dje për në paraburgimin e Durrësit, është mbajtur dhe një natë më shumë në bblokun e sigurisë te rruga "Mine Peza". Veliaj është dërguar paraditen e sotme në paraburgimin e Durrësit, ndërsa gazetarja ngre pyetjen "a është shkelur ligji dhe nga kush?".
"Pas vendimit te GJKKO per Erion Veliajn, qe i caktoi masen e sigurimit arrest ne burg, Policia pasi ka komunikuar me burgjet qe Kryetari i Bashkise duhet te shkonte ne IEVP Durres, ka vleresuar qe ta mbaj edhe nje nate ne bllokun e sigurise dhe mengjesin e sotem e derguan ne IEVP Durres. Nje pyetje kam, a eshte shkelur ligji dhe nga kush?", shkruan gazetarja.
Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga peronat nën hetim, specifikisht Veliaj edhe bashkëshortja e tij, Ajola Xoxa është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
