Berisha: Do të paraqisja në parlament, dhjetëra faqe me fatura që prokuroria i ka përjashtuar nga dosja e Veliajt! Janë blerje mijëra paundësh

sali berisha

TIRANË- Kryetari i Partisë Demokratike, Sali Berisha tha për mediat në oborrin e Kuvendit, se do të paraqisja në parlament, dhjetëra faqe me fatura që prokuroria i ka përjashtuar nga dosja hetimore, ose nuk ja kanë dhënë doganat.

I pyetur nga gazetarët se çfarë janë këto fatura, Berisha tha se bëhet fjalë për fustane deri në 3 mijë paundë. Sipas Berishës, Rama dhe Veliaj përdorin familjarët e tyre për të vjedhur.

Berisha: Ju i dëgjuat mëkatarët se si ngriheshin në një kohë që kanë marrë me dhjetëra tendera nga Erion Veliaj dhe tani donin garderobën e barabartë me Lalja Assadin. Kur ajo u arratis në Rusi, një nga lajmet ishin se gardebora e asaj kushtonte 1 mln euro. Por doli që gardëroba e Velicës me fatura doganore, të blerjeve online shkonte 867 mijë euro.
Por unë kam aty çantë dhe do ti paraqisja në parlament, dhjetëra e dhjetëra faqe me fatura që prokuroria i ka përjashtuar nga dosja, ose nuk ja kanë dhënë doganat.

Pyetje: Çfarë janë këto fatura?

Berisha: Fustane 3 mijë paundë, 2800 paundë. Kam dhe fotot dhe faturat. Ajo që është interesante në dosje është se viti 2014 ka një kryq në dosje, nuk ekziston. Viti 2015 ka vetëm 1/5 e blerjeve online të Velicës. Çfarë bënë këta? Edi Rama i thotë Gjylametit, i thuaj se po merresh me fustane grash. Thjeshtë janë fustane grash është konotacion tjetër. Por kur këta i bëjnë gratë hajdute është turpi i tyre, se këta tregojnë se përdorin familjarët për të vjedhur në mënyrë të papërmbajtur.

sali berisha