Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
Berisha: Erion Veliaj, njofto dorëheqjen se nuk ka forcë në botë që të mban ty më në të atë zyrë
E.DPërditësimi i fundit 6 Maj 2024, 21:15
TIRANË- Kreu i partisë Demokratike Sali Berisha gjatë fjalës së tij para mbështetësve paralajmëroi Kryetarin e bashkisë Erion Veliaj që të njoftojë dorëheqjen. Më tej Berisha shtoi se nesër është dita që të firmosim çlirimin e bashkisë.
PJESË NGA FJALA E BERISHËS:
Erion Veliaj, mos prit te bashkia po ik menjëherë, njofto dorëheqjen. Njofto dorëheqjen se nuk ka forcë në botë që të mban ty më në të atë zyrë. Se nuk ka forcë në botë që të mposhtë fuqinë, zemërimin, revoltën, veprimin e qytetarëve të lirë. Ndaj dhe thirrja ime, të bashkohemi së bashku me çdo njërin prej atyre që pretendon që e ndjen veten se është opozitar. Beteja është prova që ndan të vërtetën nga mashtrimi. Beteja është prova që ndan fitoren nga dështimi. Ndaj dhe ne nesër firmosim fitoren.
Nesër firmosim çlirimin e bashkisë. Nesër firmosim triumfin e Tiranës, kryeqendrës së kombit, trurit dhe zemrës së tij. Edhe njëherë ju përshëndes përzemërsisht dhe ju ftoj, ftoj të gjithë qytetarët e Tiranës të bashkohen nesër në betejën e fitores, betejën e çlirimit, betejën e shpëtimit të bashkisë së Tiranës dhe të Shqipërisë. Faleminderit. Fitore, fitore, fitore!
