Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Berisha: Hajdutët Rama-Lubi, shpenzuan 220 milionë për tunelin e Llogarasë për të shkurtuar gjithsej 12-13 minuta
PiranjatPërditësimi i fundit 20 Tetor 2025, 13:05
Lideri i demokratëve, Sali Berisha, ka thënë për mediat, se jugu i vendit, sipas tij, është trajtuar në mënyrë barbare, duke shtuar se për Tunelin e Llogarasë, janë shpenzuar 220 milionë euro për të shkurtuar gjithsej 12-13 minuta rrugë.
Ai është shprehur më tej se në Himarë derdhen ujërat e bardha dhe të zeza në të gjithë bregun.
Berisha:
Mënyra se si e kanë trajtuar këta jugun është barbare.
Imagjinoni të vijë ai me 300 apo 500 euro shtratin kur nuk ka ujë për t’u larë. Kur nuk shkon dot nga Dhërmiu në Himarë për të vizituar kështjellën se nuk ka transport. I izoluar si të ishte një fshat i vetëm për shkak të mungesës së transportit. E kanë zhvilluar vetëm si ta vjedhin. Tuneli i Llogarasë, 220 milionë për të shkurtuar gjithsej 12-13 minuta. Nuk ka njeri në botë që bën një shpenzim të tillë përveç hajdutëve Rama-Lubi. Dhe u pret një pamje përrallore që të jep Qafa e Llogarasë. I do ti ata 200 milionë? Jepu përgjigje ujërave të bardha dhe të zeza në të gjithë bregun. Aty është tmerr. Shkoni në Himarë, shkoni kudo, i derdhin të gjitha në det. Pra, janë të gjitha aferat korruptive. Ky është njëlloj si djegësi i Tiranës. Del një djegës tani. Por nuk harrohet as djegësi, as ky. I mbyll Altin Troplini, por nuk i mbyll kurrë drejtësia ato.
