Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
Berisha: Kërkoj rikthimin me urgjencë të Erion Veliajt ose dorëheqjen e menjëhershme të Edi Ramës
ZH.LLPërditësimi i fundit 28 Dhjetor 2024, 13:44
Berisha
TIRANË- Kryedemokrati Sali Berisha ka kërkuar kthimin e menjëhershëm të Erion Veliajt në Shqipëri ose dorëheqjen e Edi Ramës. Gjatë një takimi me gazetarët ne selinë e PD-së, Berisha thotë se ndaj Veliajt nuk u lëshua as urdhër arrest dhe as nuk iu hoq pasaporta, me qëllimin që ai të largohej për të mos kompromentuar.
Berisha e ka konsideruar këtë akt, si fytyrën e vërtetë të narko-shtetit dhe diktaturës, teksa thekson se ikja e Veliajt shërben për të fshehur krimet e Ramës.
"Në qoftë se Jamarbër Malltezi, i cili ka marrë 410 metër tokë të gjyshërve të tij, u arrestua në mënyrë brutale tek kthehej në Tiranë nga jashtë, nga Edi Rama, Taulant Balla dhe llumi tjetër qeveritar, pa u pyetur as dhe njëherë të vetme, Erion Veliajt i pyetur disa herë, i akuzuar me akuza që shkojnë nga 20 gjer 35 vite burg, as nuk iu hoq pasaporta, as nuk u lëshua urdhër-arresti, me qëllimin e vetëm që ai të largohej për të mos kompromentuar, për të mos u treguar shqiptarëve përmasat e vjedhjes së Edi Ramës dhe klanit të tij. Kërkoj dhe njëherë rikthimin me urgjencë të Erion Veliajt ose dorëheqjen e menjëhershme të Edi Ramës. Ky akt është fytyra e vërtetë e narko-shtetit, e diktaturës. Erion Veliaj u përcoll pra jo vetëm për t’i shpëtuar dënimit, por për të fshehur krimet e Edi Ramës. Të dashur qytetarë dhe qytetare, është radha jonë, ndaj dhe ne duhet të vazhdojmë betejën tonë gjer në përmbysjen përfundimtare të narko-diktaturës", tha Berisha.
