SHIJAK- Prej mbrëmjes së djeshme është ngritur sërish shqetësimi i banorëve të fshatit Hardhishtë në lidhje ...
TIRANË- Inaugurimi i Presidentit të 47-të SHBA-së Donald Trump ka qenë ngjarja që ka marrë vëmëndjen e botës ditën e djeshme 21 janar. Përveç faktit që ai është presidenti më i fuqishëm i botës për 4 vitet e ardhshme, kjo ngjarje ka marrë vëmëndje për shkak se për Trump kjo është hera e dytë që merr postin më të lartë në Shtëpinë e Bardhë.
Mes ceremonisë madhështore dhe betimit si President, Trump ka pasur një ditë të ngjeshur ditën e djeshme, por për të nuk kanë munguar urimet nga homologët dhe liderët e vendeve të tjera të Evropës dhe botës. Por diçka e tillë nuk ka ndodhur me Shqipërinë. Në një kërkim të thelluar që Dosja.al ka kryer, Rama deri më tani nuk ka bërë asnjë lëvizje për të uruar Presidentin Trump edhe pse dhëndërit të tij i ka dhënë statusin investitor strategjik në Shqipëri.
Urimin për Trump e ka bërë Presidenti i vendit Bajram Begaj, i cili me anë të një postimi në X ka theksuar se SHBA-të vazhdojnë të qëndrojnë si dëshmi e vlerave të demokracisë.
"Urime të ngrohta për Donald Trump, duke u betuar si Presidenti i 47-të i Shteteve të Bashkuara. Shtetet e Bashkuara të Amerikës vazhdojnë të qëndrojnë si një dëshmi e vlerave të qëndrueshme të demokracisë. Shqipëria krenohet me aleancën dhe miqësinë e saj të fortë me SHBA-në dhe mbetet e përkushtuar për të forcuar më tej partneritetin tonë," shkruan Begaj.
Ende nuk dihet se përse Rama vendosi që këtë vit t'ia linte në dorë Begajt urimin ndaj Trump nga Shqipëria. Pasi në momentin që Presidenti i mëparshëm Joe Biden u zgjodh në vitin 2020 si Presidenti i ardhshëm i SHBA-ve, urimi i kryeministrit Rama ishte ndër të parët në rrjetin social X (Tëitter).
"Ishte një privilegj e kënaqësi bashkëpunimi me Presidentin Trump e administratën e tij dhe duke uruar Presidentin e zgjedhur të SHBA Joe Biden për fitoren e tij spektakolare, jam i lumtur të vijoj bashkëpunimin për forcimin e partneritetit strategjik me Shtetet e Bashkuara," shkruante Rama në vitin 2020.
Akti i Edi Ramës për t'i lënë Bajram Begajt detyrën e dërgimit të urimit për Donald Trump është një lëvizje që ka ngritur shumë pyetje dhe polemika. Ndërkohë që vetë Rama nuk është një dashamirës i madh i Trump dhe këtë e ka shfaqur hapur në vitin 2016, ku e ka kritikuar disa herë madje dhe ka dalë hapur kundër tij në fushatën me Hillary Clinton./Dosja.al
TIRANA- Qeveria ka kërkuar shtyje me 11 muaj të afatit të mbylljes së shtesës së projektit |”Zhvillmi i Integruar Urban dh...
TIRANA- Kompanitë e sigurimeve kanë paguar më pak dëme në muajt e parë të këtij viti. Sipas statistikave nga Autoritet...
TIRANA- Të gjithë personat fizikë që për vitin tatimor 2024 kanë realizuar një fitim tatimor mbi 14 milionë lekë,...
TIRANA- Teksa Shqipëria ka zyrtarisht 42% të popullsisë në rrezik të varfërisë, shpenzimet për ndihmën ekonomike ...
