Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
POLITIKE
Deklaratat për Ballukun/ Berisha: Rama i tmerruar nga SMS-të e Lubisë për tunelin!
PiranjatPërditësimi i fundit 21 Nëntor 2025, 14:33
Kreu i Partisë Demokratike, Sali Berisha, ka reaguar në rrjetet sociale pas deklaratave të kryeministrit Edi Rama lidhur me çështjen e Belinda Ballukut, duke akuzuar Ramën për frikë ndaj hetimeve në “tunelin e Palloshit”, duke iu referuar tunelit të Llogarasë.
Berisha shkruan se Rama është “i tmerruar nga “Lubi Balkuku” dhe SMS-të që i ka dërguar Ervis Berberit për tunelin e Palloshit të gjatë”.
Kryeministri Rama kishte deklaruar më parë se: “Sa të jem unë këtu, nuk do të shihni luftëra me drejtësinë apo akuza. Por ka një kufi, kufirin kushtetues mes pushteteve të pavarura, dhe nëse lejojmë shkeljen e tij, kemi humbur diçka themelore për rendin kushtetues të republikës.”
Berisha interpreton fjalët e Ramës si një paralajmërim ndaj Ballukut, duke thënë se Rama i tregon se Kushtetuta është mbi gjithçka dhe se askush nuk mund të shmangë përgjegjësitë e ligjit. Ai përfundon duke deklaruar: “Edvin, asgjë në botë nuk të shpëton nga krimet tua të rënda.”
Postimi
Rama ndjen rrezikun, i nxjerr dhëmbët drejtësisë! Miq, Edi Rama është i tmerruar nga Lubi Balkuku dhe SMS-të që i ka derguar Ervis Berberit për tunelin e Palloshit të gjatë. Pasi u betua se do respektojë drejtësinë ai paralajmeroi se: “Sa të jem unë këtu, nuk do të shihni luftëra me drejtësinë apo akuza. Por ka një kufi, kufirin kushtetues mes pushteteve të pavarura, dhe nëse lejojmë shkeljen e tij, kemi humbur diçka themelore për rendin kushtetues të republikës.” Me fjalë të tjera Rama i thotë: “Belindën kurban, por më harroni mua sepse unë jam Kushtetuta dhe mjerë kush e kalon kufirin.” Edvin asgjë në botë nuk të shpëton nga krimet tua të renda.
