Dënimi me një vit burg/ "Lëvizja e radhës e Ervin Salianjit", pritet kallëzimi në SPAK për Fatmir Xhafajn

TIRANA- Lëvizja e radhës e deputetit Ervin Salianji dhe Partisë Demokratike pritet të jetë depozitimi në SPAK i një kallëzimi ndaj ish-ministrit të Brenshëm, Fatmir Xhafaj. Kjo lëvizje vjen një ditë pasi Gjykata e Apelit dha vendimin për dënimin me një vit burg për deputetin Ervin Salianji lidhur me dosjen "Babalja". Paraprakisht mësohet se për të diskutuar për këtë çështje, Salianji ka mbërritur në selinë e PD-së ku do të zhvillojë një takim me kreun e Grupit Parlamentar, Gazment Bardhi dhe nënkryetarin Agron Gjekmarkaj.

Gjykata e Apelit ka lënë në fuqi ditën e djeshme, 26 shtator 2024 vendimin për dënimin me 1 vit burg për deputetin demokrat Ervin Salianji. Salianji është dënuar së bashku me Albert Veliun, që pritet të vuaj dënimin me 10 muaj burg si dhe gazetarin Jetmir Olldashi me 100 orë punë komunitare. Apeli në vendimin e sotëm, ka lënë në fuqi vendimin e Gjykatës së Shkallës së Parë në Tiranë.

Shkalla e parë vendosi që Salianji të dënohet për kallëzim të rrëmë, në lidhje me një denoncim që ka bërë për vëllanë e ish-Ministrit të Brendshëm Fatmir Xhafa, Agron Xhafa. Në audio-përgjimin që publikoi Salianji, thuhej se Agron Xhafa ishte pjesë e një rrjeti kriminal të trafikut të lëndëve narkotike.

ervin salianji