I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
Denoncim për shkelje në institutin e nxënësve të verbër, Vangjeli: Akuza ndaj Drejtorit Emiliano Lule për keqadministrim dhe shkelje të ligjit të prokurimeve
n.fPërditësimi i fundit 8 Mars 2025, 12:55
TIRANË- Zëdhënësja e Antikorrupsionit në PD, Genta Vangjeli në një deklaratë për mediat ka bërë me dije se në Partinë Demokratike ka mbërritur një tjetër denoncim kësaj here për Drejtorin e Institutit të nxënësve që nuk shikojnë ‘Ramazan Kabashi’, Emiliano Lule. Vangjeli thekson se mësuesit dhe stafi i këtij Instituti, kanë adresuar ankesën e tyre me shkrim drejtuar KM Edi Rama, MARS dhe institucioneve të saj të varësisë.
Vangjeli shton se ata ankohen për drejtuesin e këtij instituti lidhur me sjelljen denigruese ndaj mësuesve duke i kërcënuar deri në largimin e tyre nga puna. Ajo thekson se Emiliano Lule i emëruar sipas denoncuesve në kundërshtim të plotë me ligjin, pa plotësuar kushtin kryesor ‘diplomimin në mësuesi’ e ndjen veten të paprekshëm.
Sipas denoncimit drejtori ka vijuar me sjelljen prej gangsteri e me largime nga puna siç ka ndodhur me babain e 3 fëmijëve punëmarrësin me inicialet R.Gj. Denoncuesit treguan se ky institut nën drejtimin e Emiljano Lules aktualisht nuk ka internet, nuk ka ujë të ngrohtë në tualetin e godinës së shkollës, godina është e pa lyer dhe me pellgje uji përpara hyrjes kryesore sa herë ka reshje e të gjitha këtyre i bashkëlidhen kushtet e vështira të kryerjes së mësimit të cilëve u mungon shikimi duhet ti vështirësohet jeta akoma më shumë nga Emiljano Lule.
Denoncuesit treguan se prej vitit 2016-2017 matematika brail (teksti për të verbërit) mungon, ndërsa teksti i gjuhës shqipe duhet kthyer 180 gradë për tu dëshifruar duke sjellë si pasojë vështirësi për nxënësit gjatë përdorimit dhe me mungesa të elementëve didaktiko-petagogjik.
Deklarata e zëdhënëses së Antikorrupsionit në PD, Genta Vangjeli:
Në adresën tonë ka mbërritur një tjetër denoncim kësaj here për Emiliano Lule, Drejtorin e Institutit të nxënësve që nuk shikojnë ‘Ramazan Kabashi’. Mësuesit dhe stafi i këtij Instituti, kanë adresuar ankesën e tyre me shkrim drejtuar KM Edi Rama, MARS dhe institucioneve të saj të varësisë.
Ndër të tjera ata ankohen për drejtuesin e këtij instituti lidhur me sjelljen denigruese ndaj mësuesve duke i kërcënuar deri në largimin e tyre nga puna. Emiliano Lule i emëruar sipas denoncuesve në kundërshtim të plotë me ligjin, pa plotësuar kushtin kryesor ‘diplomimin në mësuesi’ e ndjen veten të paprekshëm.
Drejtori ka vijuar me sjelljen prej gangsteri e me largime nga puna siç ka ndodhur me babain e 3 fëmijëve punëmarrësin me inicialet R.Gj. Edhe pse nuk i mungojnë fondet, denoncuesit treguan se ky institut nën drejtimin e Emiljano Lules aktualisht nuk ka internet, nuk ka ujë të ngrohtë në tualetin e godinës së shkollës, godina është e pa lyer dhe me pellgje uji përpara hyrjes kryesore sa herë ka reshje e të gjitha këtyre i bashkëlidhen kushtet e vështira të kryerjes së mësimit të cilëve u mungon shikimi duhet ti vështirësohet jeta akoma më shumë nga Emiljano Lule.
Denoncuesit treguan se prej vitit 2016-2017 matematika brail (teksti për të verbërit) mungon, ndërsa teksti i gjuhës shqipe duhet kthyer 180 gradë për tu dëshifruar duke sjellë si pasojë vështirësi për nxënësit gjatë përdorimit dhe me mungesa të elementëve didaktiko-petagogjik.
Nisur pikërisht nga sa më lart ne verifikuam prokurimet dhe sipas të dhënave të marra nga APP fondet janë prokuruar çdo vit për këtë qëllim pra rezulton se çdo vit riparohet printeri respektiv dhe çdo vit blehet letër brail.
Ndërsa vetëm pak ditë më parë (më 11 Shkurt 2025) Emiljano ‘trimi’, ndryshe nga sa është përcaktuar në regjistrin e parashikimeve vjetore të prokurimeve dhe në shkelje të dispozitave ligjore për procedurat me vlerë të vogël, ka kryer 7 prokurime të ndryshme me të njëjtat specifikime teknike, të njëjtat sasi e të njëjtin objekt duke i ndarë pa patur asnjë ndryshim nga njëri tek tjetri.
Pra, blerja e letrës speciale për shtypjen e librave në gjuhën me pika në relieve (Brail), për përdorim në pajisje speciale Printer Brail, për 7 prokurimet ka nxjerrë si rezultat shpalljen e 7 fituesve të ndryshëm, e duke sjellë për pasojë jo vetëm tejkalimin 5 herë të fondit të përcaktuar nga ligji për procedurat e prokurimit me vlerë të vogël e duke shpenzuar mbi 53 mijë euro për këtë qëllim, por mbi të gjitha rezultati sikurse dëshmuan denoncuesit është mungesa e teksteve brail për matematikën që prej v.2016-v.2017.
Partia Demokratike siguron stafin akademik dhe mbi të gjitha drejtorin Emiljano Lule se për sa më sipër do të përgjigjet me urgjencë në prokurori për shkeljen e të paktën: LPP (i ndryshuar) neni 21/1/5, neni 34/7, neni 36, VKM nr.285,datë 19.5.2021 Për miratimin e rregullave të prokurimit publik (i ndryshuar) neni 1, neni3/2, neni 56, 73/1, Ligjin nr.10296, datë 8.7.2010 Për menaxhimin financiar dhe kontrollin (i ndryshuar) neni 8.
