Rama: Shoqëria jonë sot ka vend më shumë për gratë dhe vajzat në vendimmarrje, kjo i detyrohet PS

rama

TIRANË- Kryeministri Edi Rama ka zhvilluar ditën e sotme një takim me vajzat dhe gratë. Gjatë fjalës së tij në takim, Rama u shpreh se nëse shoqëria jonë ka sot vend më shumë për gratë dhe vajzat në vendimmarrje, kjo sipas tij i detyrohet Partisë Socialiste. 

Duke iu referuar thënieve të Elena Gjikës, ai tha se sa më të forta të jenë gratë aq më të fortë janë burrat. Më tej, kreu i qeverisë u shpreh se në 11 maj Shqipëria ka sfidën për të mos humbur asnjë minutë nga mundësia për tu bërë pjesë e familjes europiane. 

"Po mendoja se çfarë do ndodhte me burrat dhe djemtë tuaj nës eju nuk shkoni për një javë në shtëpi. Kjo është e vërteta se pa gruan shtëpia është pa çati. Shoqëria jonë nëse sot ka vend më shumë për gratë dhe vajzat në vendimmarrje kjo i detyrohet Partisë Socialiste. Një grua shqiptare, Elena Gjika thoshte çdo shoqëri matet me vendin që i ka rezervuar gruas. Ajo thoshte të luftosh dhe fitosh për gratë do të thotë të luftosh dhe fitosh dhe për burrat. Sa më të forta të jenë gratë, aq të fortë janë dhe burrat. Kur gratë janë të dobëta, burrat janë të dobët dhe agresiv. Duke fuqizuar gratë dhe duke u dhënë më shumë vend në gjitha nivelet e përfaqësimit, ne luftojmë për ti bere burrat më të arsyeshëm dhe vetëdijshëm. Në 11 maj, Shqipëria ka sfidën për të mos humbur asnjë minutë, kur për herë të parë mundësia për tu bërë pjesë e familjes europiane eshtë në duar tona.", tha Rama.

edi rama