Denoncimi i KIRK për zgjedhjet në Himarë/ KQZ propozon gjobitjen me 100 000 lekë ndaj Tavos dhe pushimin e hetimit për Blendi Klosin

TIRANA- Komisioni Qëndror i Zgjedhjeve ka shqyrtuar sot edhe një nga denoncimet e depozituara nga Koalicioni për Reforma, Integrim dhe Institucione të Konsoliduara (KIRK) për zgjedhjet e pjesshme në Himarë ku u konstatuan shkelje administrative të Kodit.

Sipas njoftimit të KQZ-së, Komisioneri vendosi t’i propozojë Komisionit të Ankimimeve dhe Sanksioneve gjobitjen me 100 000 lekë për Vangjel Tavon, kryebashkiakun socialist të Himarës, (në cilësinë e kandidatit shkelja).

Gjithashtu u propozua pushimi i hetimit administrativ për deputetin Blendi Klosi, në cilësinë e përfaqësuesit të PS-Së për zgjedhjet dhe gjobë me vlerën 4000 lekë për Haide Dhulin, drejtor i shkollës së mesme “Qazim Pali” në Borsh.

Njoftimi i KQZ:

Sot, u shqyrtua administrativisht denoncimin nr. 2 ID nga Koalicioni për Reforma, Integrim dhe Institucione të Konsoliduara (KRIIK), ndaj personave përgjegjës për shkelje administrative, për zgjedhjet e pjesshme për Kryetar të Bashkisë Himarë, të datës 4 gusht 2024. Në përfundim të shqyrtimit, Komisioneri vendosi t’i propozojë Komisionit të Ankimimeve dhe Sanksioneve marrjen e masës administrative për zj. Haide Dhuli, Drejtor i Shkollës së Mesme të Bashkuar “Qazim Pali”, Borsh në vlerën 4000 (katër mijë) lekë dhe për z. Vangjel Tavo, kandidatit për bashkinë Himarë në vlerën 100 000 (njëqind mijë) lekë, si edhe pushimin e hetimit administrativ për z. Blendi Klosi, përfaqësues i Partisë Socialiste të Shqipërisë.

Komisioni Shtetëror i Zgjedhjeve i dha më 12 shtator zyrtarisht Vangjel Tavos, mandatin si kryebashkiak i Himarës. Vendimi erdhi pas certifikimit të rezultateve të zgjedhjeve në Himarë nga KAS dhe Kolegji Zgjedhor. Ai fitoi me diferencë rreth 1500 votash ndaj rivalit të tij opozitar Petro Gjikuria në zgjedhjet e parakohëshme lokale që u mbajtën më 4 gusht.

kqz