Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Do ndjek rrugën ligjore"/ Kërkon heqjen e sekuestros së 2 vilave, Kryemadhi: Duhet të dalim nga shtëpia, do jetojmë në çadër
I.APërditësimi i fundit 16 Dhjetor 2024, 14:29
TIRANË- Deputetja Monika Kryemadhi ka deklaruar se do të ndjek rrugën ligjore për vendimin e SPAK për sekuestrimin e dy vilave në Kodrat e Diellit. Pasi doli nga ambjentet e GJKKO-së, Kryemadhi theksoi se se ishte e sigurt që kjo çështje do të shkonte në Strasburg dhe do të ndiqet rruga ligjore, pasi prokuroria nuk kishte marrë ekspertë.
"Atë ditë që kemi pasur gjyqin në Apel 5 minuta para se të hy në gjyq 10 policë zbarkuan në shtëpinë time, ishte një skenar interesant për të krijuar presion psikologjik, kanë ardhur edhe ditën tjetër, u vendos proces verbali u firmos nga unë dhe mamaja ime, erdhën dhe të agjencisë së sekuestros, duhet të dalim nga shtëpia, prokurori dhe gjyqtarja thanë a është e ligjshme prona që ata jetojnë, po tha, por mendojmë se duhet të dalim nga shtëpia," tha Kryemadhi.
Po ashtu Kryemadhi ironizoi duke thënë se pas sekuestrimit të vilave do të jetojë në çadër.
“Do të jetojmë me çadër, po ato që jetojnë me çadra nga tërmeti. Do marrim një kontejner, do të na japë dikush një tokë ku do të vendosim kontejnerin”, tha ajo.
Ndaj deputetes së PL-së, është caktuar masa e detyrimit të paraqitjes, pasi është aktualisht nën hetim për kryerjen e veprave penale; “Korrupsioni pasiv i funksionarëve të lartë shtetërorë ose të zgjedhurve vendorë” në 2 raste dhe në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim, dhe “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi që ka detyrimin ligjor për deklarim”.
