Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
"Dokumentat do i bëj publike!" Berisha: SPAK, organizatë kriminale në duart e Ramës për t’i garantuar mandatin e katërt
M.B.Përditësimi i fundit 22 Tetor 2024, 22:01
TIRANA- Kreu i Partisë Demokratike, Sali Berisha sot se SPAK është një vegël në duart e kryeministrit Edi Rama, për t’i siguruar këtij të fundit mandatin e katërt. Në lidhje direkte për "A Show" në SYRI TV, Berisha tha se SPAK grupe të organizuara kriminale dhe për këtë e tha se e deklaron me dokumenta të pakundërshtueshme zyrtare. Ai shtoi se ndaj Kreut të Partisë së Lirisë, Ilir Metës, me urdhër të kryeministrit Edi Rama u lëshua urdhër-arrestim si person nën hetim.
Intervista në studio:
Krasta: Cilat janë pasojat e këtyre vendimeve kaq bërtitëse të dallueshme teatrale gjithashtu të SPAK në Shqipëri?
Berisha: SPAK është një vegël e marrë peng në duart e Edi Ramës, përbëhet nga grupe të organizuara kriminale dhe këtë e them me dokumenta të pakundërshtueshme zyrtare të cilat unë i disponoj dhe në momentin e duhur do t’i bëj publike për qytetarët shqiptarë. Pra është në vegël e verbër në duart e Edi Ramës që bën gjithçka për të garantuar mandatin e katërt të Edi Ramës me urdhrat e tij.
Shkel çdo ligj çdo standard. Ju e patë. Ndaj Ilir Metës me urdhër të Edi Ramës u lëshua urdhër-arrestim si person nën hetim. Po përse si person në hetim? Sepse nuk kanë asnjë akuzë sepse një të vetme po të kishin do ta nxirrnin të bindnin shqiptarët për zbulimin e tyre por njerëz të denatyruar pa moral marrin vendime të tilla vetëm e vetëm për të zbatuar udhërin politik. Për çfarë e akuzonin Ilir Metën, e kuptoni apo jo. I ka deklaruar paratë por nuk është regjistruar se ato para u përdorën për një ndërhyrje të tij kirurgjikale. Çfarë përbën kjo një vepër penale një shkak për të arrestuar një njeri?
I kam ndjekur debatet. I them disa prej gazetarëve që për dinjitetin e tyre mos u bëni zëdhënës të një organizate kriminale që quhet SPAK. U them unë që është organizatë kriminale. Mos u përdorni në shkallë ekstreme. Nqs SPAK do kishte faktin e vërtetë më të vogël ai do ta nxirrte do ta ekspozonte si kryefjalë të dokumentit të tij por fakti që nuk ka nuk ka çfarë të nxjerrë. U keqpërdor ju. Akti që ndodhi dje ishte akt që nuk kam lexuar të ketë ndodhur në ndonjë vend. Ish-president, ish-kryeministër, ish-kryetar Kuvendi, i ndalohet makina në mes të rrugës duke u kthyer në Tiranë dhe jo të ishte duke u larguar se e kishte marrë vesh, po kthehej në zyrë, njerëz të armatosur i hyjnë në makinë pa i paraqitur asnjë dokument e rrëmbejnë me forcë e godasin dhe më pas lëshojnë një komunikatë.
Po drejtori i policisë është sivëllai i Shullazit, u vu nga bandat, ministri bastard i familjes më kriminale i historisë së kombit, Enver Hoxhës u vu për lidhjet e tij në të shkuarën por edhe me Pojat. Kemi të bëjmë me procese strikt politike me të cilat Edi Rama kërkon të sigurojë pushtetin. Edi Rama me krimet monstruoze që ka kryer, me vjedhjet e paimagjinueshme, mos të harrojmë se kush ka firmën për bonusin 8% për inceneratorin e Tiranës dhe atij si gjendet sot as nam as nishan kur thuhet se paratë janë në kontot e Ramës dhe Veliajt.
