Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
Elbasani marshon drejt kryeqytetit për protestën kombëtare/ Himçi: Sot dita për të rrëzuar regjimin
PiranjatPërditësimi i fundit 22 Mars 2026, 17:41
Qindra qytetarë të Elbasanit i janë drejtuar kryeqytetit për t'iu bashkuar protestës kombëtare të thirrur nga opozita. Të mbledhur përpara nisjes, ata shprehën një sërë arsyesh të forta që i shtynë të marshojnë drejt Tiranës, duke filluar nga kriza e thellë ekonomike e deri te pakënaqësitë e thella politike dhe sociale.
Deputeti i Partisë Demokratike, Blendi Himçi deklaroi se protesta është një kundërpërgjigje ndaj “regjimit dhe narkoshtetit të krijuar nga Edi Rama”. Sipas tij, ndër arsyet kryesore është “cënimi i drejtësisë” në lidhje me mosdhënien e autorizimit për hetimin e ministres Belinda Balluku. Përveç kësaj, ai renditi degradimin e shëndetësisë dhe arsimit, si dhe largimin masiv të të rinjve nga vendi si plagë të thella që kërkojnë reagim qytetar.
Një pikë tjetër e nxehtë që bashkon të gjithë protestuesit është çmimi stratosferik i karburantit. Qytetarët e cilësuan atë si “vulën e shkatërrimit të ekonomisë shqiptare”.
Një protestues e lidhi pakënaqësinë me “mbylljen e dyerve të Evropës” si pasojë e mosshkarkimit të ministres Balluku, duke argumentuar se kjo e largon vendin nga integrimi. Një tjetër u shpreh prerë se “Edi Rama duhet të iki një orë e më parë”, duke e cilësuar qeverisjen aktuale si “më të keqen e 35 viteve demokraci”.
Një tjetër protestues e deklaroi veten “antikomunist” dhe denoncoi abuzimet dhe korrupsionin në nivel lokal në Elbasan, duke përmendur me emër kryetarin e bashkisë. Shqetësimi i tij ishte dëshira për të jetuar “si evropian”, duke nisur nga kushtet bazike si higjiena.
Sot me qindra qytetarë të Elbasanit shkojmë për të protestuar kundrejt regjimit dhe narkoshtetit që ka krijuar Edi Rama, kundrejt cënimit të drejtësisë që i ka bërë Edi Rama me mosdhënien e autorizimit të Belinda Ballukut. Sigurisht shkojmë për të protestuar edhe për shëndetësinë që ka degraduar në masën më të keqe. Shkojmë për të protestuar për arsimin i cili faktikisht lë shumë për të dëshiruar në Shqipëri me qindra dhe mijëra të rinj nuk frekuentojnë më universitetin por janë larguar masivisht. Sot çdo familje ka të drejtën për të protestuar pasi të rinjtë janë larguar. Kështu që kemi shumë për të protestuar dhe sot është dita dhe duke qenë se është një ditë e shënuar që daton me 22 marsin e vitit 1992, ku flitet për rrëzimin e diktaturës dhe ne sot shkojmë në Tiranë për të rrëzuar diktaturën.
Çmimi i naftës është ajo që i ka vënë vulën shkatërrimit të ekonomisë shqiptare dhe një qeveri e papërgjegjshme drejtuar nga Edi Rama, që është i vetmi lider botëror që ul akcizën në një mënyrë totalisht simbolike, që s'ka asnjë domethënie, pra 8 lekë për litër, ndërkohë që vende të tjera kanë përgjysmuar akcizën dhe çmimet janë shumë, shumë më të ulëta në të gjitha vendet e Evropës, pavarësisht se pagat janë trefish më të larta dhe sot në Shqipëri çmimi është stratosferik. Që është, besoj, karburanti ndikon në të gjithë ekonominë, qoftë në transport, qoftë në rritjen e çmimeve dhe sigurisht këto pasoja do t'i vuajnë qytetarët. Dhe sot ne shkojmë për të protestuar edhe për këto arsye që ju përmendët, për çmimin e lartë të naftës.
I bëj thirrje të gjithë qytetarëve të Elbasanit. Keni të gjitha arsyet për të protestuar. Nuk mund të vazhdohet më me narkoshtetin e Edi Ramës, me keqqeverisjen dhe arrogancën e Edi Ramës, me vazhdimësinë e mbajtjes së Belinda Ballukut dhe mosarrestimin e saj. Pra, për të gjitha këto arsye të shkojmë sot dhe të protestojmë dhe të rrëzojmë regjimin e Edi Ramës. Ju faleminderit.
Folësi 2: Përshëndetje, dhe ju një protestues. Do të shkoni sot? Folësi 3:
Ç'të të them më shumë? Pak a shumë i tha zoti deputet të gjitha arsyet. Dhe e fundit fare, mbyllja e dyerve të Evropës me mosheqjen e mandatit të Belinda Ballukut na largoi nga Evropa, jo na afroi. Mos të them për çmimin e naftës që nuk ka hyrë asnjë litër karburant, nuk është doganuar asnjë litër, ndërkohë që këtu çmimi rritet maksimalisht, në stratosferë.
Edi Rama duhet të iki një orë e më parë. Është më e keqja e këtij vendi të 35 vite që ka pasur demokraci në Shqipëri. Një orë e më parë duhet të largohet.
Një, një thirrje më së madhe me zemër, si një baba që kam tre fëmijë jashtë edhe jetoj i vetëm në Elbasan, edhe që i kam të pamundësuarshme se, le që jemi demokratë dhe na shohin, na shohin sikur jemi me lebrozë, sikur jemi dhe të paditur, të pashkolluar, sikur kemi injorancë dhe këta kanë dalë mbi liderët botërorë. Më हिसाब që nuk e merrka Amerika, ky të drejtojë Amerikën. Ky e di krejt sa qorranën.
Jam antikomunisti jam, primare. Jam antikomunist edhe e deklaroj që me klyshët e komunistëve, Shqipëria nuk bëhet. Atdheut duhet t'i kthehet dinjiteti, mjekësia, duhet t'i kthehet të gjitha këto, të heqin dhe dorën nga abuzimet me vjedhjet që i kanë nga duke filluar nga ky Gledian Llatja që e kemi këtu në Elbasan, kryetar bashkie, që po vjedh tërë lagjen 5 Maji. Po abuzon me fondet e shtrimit të bordurave dhe trotuarëve. I bëj thirrje të gjithë lagjes 5 Majit, të dalin të shohin atë paçavure shtrimi që kanë bërë aty. Jam, e kam shqetësimin tim personal, që duhet të jetoj edhe unë si evropian. Prej vete te fëmija nuk më bëhen këpucët pis. Vij këtu... domethënë, që këtu fillon e drejta e të qenurit njeri. Higjiena. Një njeri që nuk ka higjienë, që nuk ka moral, është edhe hajdut edhe abuzues, nga të gjitha krahët.
