Eshtë zhbllokuar rezultati i finales së madhe Spanjë-Argjentinë,
Sapo nis shtesa e dytë, Ferran Torres zhbllokoi rezultatin du...
POLITIKE
Eurodeputetja italiane në mitingun e PD/ Berisha: Vazhdimi i miqësisë së PD me Forza Italia dhe vendin fqinj është prioritet shumë i madh
r.llPërditësimi i fundit 1 Maj 2025, 22:09
sali berisha
TIRANË- Kryetari i PD-së, Sali Berisha ka zhvilluar sot takimin e radhës elektoral me qytetarët e njësisë numër 1, 3 dhe 14 në Tiranë. Në mitingun e sotëm ishte e pranishmne edhe eurodeputetja dhe përfaqësuesja e partisë "Forza Italia", Erica Mazzeti, të cilën Berisha e cilësoi si një mikeshë të PD-së, Shqipërisë dhe shqiptarëve.
Berisha deklaroi se marrëdhëniet midis dy vendeve mike, Shqipërisë dhe Italisë, qëndrojnë në krye të përparësive të tyre. Gjatë fjalës së tij, kryedemokrati tha se është përballë me një kundërshtar që është në panik të thellë nga "krimet që ka kryer dhe nga braktisja e qytetarëve".
PJESË NGA FJALA E BERISHËS:
Të dashur qytetare dhe qytetarë të pranishëm në këtë shesh, të dashur qytetare dhe qytetarë të Tiranës kudo që jeni sonte, përshëndetjet më të përzemërta. E nderuar zonja Erica Mazzeti, mikeshë e shquar e PD, Shqipërisë dhe shqiptarëve, përfaqësuese e Forza Italia dhe Parlamentit Europian, e pranishme sonte midis nesh, një mirënjohje të pakufishme ndaj jush. Dhe unë dua t’u informoj miq se mikeshën tonë, e cila erdhi në mbështetjen tonë në ditët më të vështira, e falënderova edhe para 2 mijë delegatëve në Kongresin e Partisë Popullore Evropiane me gjithë zemër. Dhe e garantoj se për mua dhe PD-në, vazhdimi i asaj miqësie dhe bashkëpunimi të vendosur me të pavdekshmin Silvio Berluskoni është një prioritet shumë i madh.
Por edhe marrëdhëniet midis dy vendeve tona mike, midis Shqipërisë dhe Italisë, qëndrojnë në krye të përparësive tona. Të dashur drejtues politikë të kësaj zone, Besart Xhaferri dhe Klevis Balliu, të dashur kandidatë për deputetë të PD dhe Aleancës për Shqipërinë Madhështore, krenari e vërtetë e qytetarëve të tiranës, krenari e PD dhe mbarë qytetarëve shqiptarë, u përshëndes shumë përzemërsisht dhe u falënderoj për punën e mrekullueshme që keni bërë në këtë fushatë. Miq, sot nisëm marshin tonë të pandalshëm drejt fitores së 11 Majit. Drejt fitores që ne meritojmë. Në qoftë se marrim historikun tonë, një histori e cila nuk qe e thjeshtë dhe e lehtë. Por çfarë ishte ajo? Historia e njerëzve që besojnë, historia e njerëzve me ideale, historia e njerëzve që duan lirinë dhe vlerat.
Dhe ja ku jemi, të vendosur në një mision shpëtimtar. Ne u ngritëm dhe shpëtuam opozitën nga një monstër njerëzore që kërkonte pas 30 vitesh të shndërronte Shqipërinë në një Shqipëri pa opozitë. Dhe sot ne jemi këtu ballë për ballë me të. Ai në panik të thellë, i tmerruar nga vetja e tij, i tmerruar nga krimet që ka kryer, i tmerruar në atë shkallë nga braktisja e madhe e qytetarëve të Tiranës dhe qytetarëve shqiptarë. Kudo që shkon mblidhet me zyrtarë të zgjedhur me listë dhe vazhdon banalitetin e tij. Një banalitet të turpshëm, të padenjë, një banalitet me të cilin mendon se do fusë përçarjen në familjet tona. Me një fjalor ordineri, ndër më të varfrit, kënetë, zhapinj, bufë, çyrykë, budalla, etj, fjalë të cilat janë fjalë të një mjerani që nuk gjen strehë ku të futet.
