Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
FOTO/ "Ford i përshtatur nga TIMAK", si gënjeu Peleshi për makinën e parë të blinduar ushtarake "Made in Albania"?
M.B.Përditësimi i fundit 24 Maj 2024, 20:40
Niko Peleshi
TIRANA- Ministri i Mbrojtjes Niko Peleshi, me anë të një postimi në rrjetet sociale tha sot së bashku me kompanina TIMAK, po punon për prototipin e makinës së parë të blinduar ushtarake, "Made in Albania". Veç kësaj, Peleshi tha se është besimplotë që pas 3 javësh, në Paris, në panairin Eurosatory ne do të prezantojmë me sukses këtë produkt shqiptar.
Postimi i ministrit Niko Peleshi:
Së bashku me kompaninë e saj TIMAK, Arjeta po punon për prototipin e makinës së parë të blinduar ushtarake, Made In Albania. Jam shumë i lumtur që Qendra jonë e Inovacionit i është bashkuar kësaj iniciative të bukur. Besimplotë që pas 3 javësh, në Paris, në panairin #Eurosatory ne do të prezantojmë me sukses këtë produkt shqiptar. Shumëkush mund të pyesë se si ka mundësi që një ekip me 75% vajza të reja, arrin të eksportojë makina në 20 shtete të botës dhe madje të guxojë të hyjë pa drojë në tregun e industrisë ushtarake.
Për të gjetur çelësin e suksesit, po ju tregoj çfarë më tha Arjeta gjatë vizitës time te TIMAK. “Më mori dikush në telefon nga Izraeli. Ishte shqiptare dhe kishte parë një ambulancë izraelite Made in Albania dhe ishte çuditur. Më ndodh shpesh që takoj njerëz që çuditen me ne. Ndërsa unë çuditem me çudinë e tyre,” më tha ajo. Për të hedhur hapin drejt botës së zhvilluar, së pari duhet të kapërcejmë kompleksin tonë të inferioritetit intelektual. Po, Shqipëria i ka kapacitetet të shpikë, të kërkojë, të gjejë, të krijojë, të patentojë. Mbi 4000 PhD shqiptarë të diasporës janë ofruar për të kontribuuar në Shqipëri, më thanë përfaqësuesit e AADF. I kemi të gjitha! Ka ardhur koha të guxojmë edhe në inovacion.
Por nga ana tjetër, me anë të një shikimi që mund t'i hidhet një katalogu të kompanisë TIMAK, vërehet se këto makina nuk janë ekskluzivisht "Made in Albania". Këto automjete i përkasin kompanisë Ford, por ato merren dhe përshtaten nga kompania TIMAK në Shqipëri si automjete që mund të shërbejnë në fusha të ndryshme, nga autoambulancat e deri te makinat e blinduara ushtarake. Vetë kompania në përshkrimin e saj në faqen zyrtare në web e cilëson veten si të fokusuar në në prodhimin, konvertimin dhe instalimin e strukturave të automjeteve të ndryshme.
"TIMAK është i fokusuar në prodhimin, konvertimin dhe instalimin e strukturave të automjeteve të ndryshme, si autoambulanca, zjarrfikëse, depozita uji, automjete të mirëmbajtjes dimërore dhe verore, makinat e ujërave të zeza, drejtues shtyllash, solucione kamionësh të lëvizshëm dhe konvertime të tjera të ngjashme," shrkuan TIMAK në faqen zyrtare.
