"Garantët e barazisë para ligjit jemi ne", Rama: Ne nuk bërtasim për persekutim kur drejtësia godet brenda nesh, të tjerët pretendojnë se janë të burgosur politikë

edi rama

TIRANË- Kryeministri Edi Rama tha sot se garantët e parazisë para ligjit janë Partia Socialiste. Rama u shpreh se ndonëse institucionet e drejtësisë kanë të metat e tyre, rruga e tyre duhet mbështetur me çdo çmim.  Më tej në fjalën e tij, Rama tha se kur drejtësia "godet" brenda PS ata nuk flasin për persekutim, ndërkohë që duke ironizuar opozitën ata tha se pretendojnë se janë të burgosur politikë.

"BE u duhet shqiptarëve përtej interesave financiare, por për të garantuar lirinë individuale, barazinë para ligjit. Garantët e barazisë para ligjit sot jemi ne, s’ka njeri tjetër që garanton proceset e nisura të drejtësisë kanë të gjitha të metat. Por duhen mbështetur në rrugën e tyre me çdo çmim edhe më marrjen përsipër të kostove. Ne nuk bërtasim për persekutim apo padrejtësi kur institucionet reja të drejtësisë godasin brenda nesh. Të tjerët pretendojnë se janë parti të burgosurish politikë, ky është dallim katastrofik për të ardhmen. E fundit për këtë pjesë. BE na duhet për këto garanci, që Shqipëria dhe shqiptarët si kanë pasur kurrë dhe për herë të parë Shqipëria dhe shqiptarët s’do jenë në ndonjë regjim të imponuar nga të tjerët, e as në një qeverisje që mund të çojë në drejtim të paditur, duke u bërë pjesë e BE.", tha Rama. 

edi rama