Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
"Gerti ishte dëshmi se si duhet të jetë një politikan"/ Luçiano Boçi në homazhet për ish-deputetin: Nuk e besoj ende, por ai do të mbetet të kujtimet tona
S.BPërditësimi i fundit 19 Shtator 2024, 10:52
TIRANË- Ish-deputeti i Partisë Demokratike, Luçiano Boçi ka marrë pjesë në homazhet në nder të ish-deputetit të ndjerë Gerti Bogdani, të cilat po zhvillohen në Kuvendin e Shqipërisë. Boçi shprehet se Gerti ishte dëshmi se si duhet të jetë një politikan.
Më tej Boçi thotë se nuk e beson ende, por shprehet se Bogdani do të mbetet të kujtimet e tij.
Reagimi i plotë:
I japim lamtumirën e fundit, mikut tonë, bashkëpunëtorët tonë, politikanit shembullit, shokut tonë personal Bogut, siç e thërrisnim në koefidencë. Gerti ishte dëshmi se si duhet të jetë një politikan, shembull se si duhet të jetë një familjar, shembulli se si duhet një njeri të ndërtojë karrierën e tij, angazhimin publik, komunikimin politik. Dhimbja jonë është shumë e madhe, trishtimi dhe hidhërimi i familjes sonë politike, është po kaq i madh sa i dhe i familjes së tij. Gerti vërtet sot udhëton drejt parajsës, por me atë dhimbjen e madhe që ai dinte dhe kishte ndërtuar parajsën e tij të vogël në familjen e tij dhe shoqërinë e tij, pse jo dhe në atë pjesën e imponimit që sillte në Kuvend, një zë i fortë, me zërin e tij si njeri shembull i të rinjve që duhet të ndërtojnë një karrierë të tillë të ndershme e të përkushtuar siç e kishte ai. Nuk e besoj ende, por ai do të mbetet të kujtimet tona.
Ish-deputeti i Partisë Demokratike, Gerti Bogdani, i cili u nga jeta ditën e djeshme pas një arresti kardiak, përcillet sot për në banesën e fundit. Ndërkohë kanë nisur homazhet në ambientet e Kuvendit të Shqipërisë ku po bëhen nderimet ndaj ish-deputetit Bogdani. Homazhet nisën në orën 10:00 dhe do të përfundojnë në orën 12:00. Më pas, arkëmorti me trupin e pajetë të ish-deputetit do të përcillet për në banesën e fundit, në varrezat e Sharrës.
