Dhoma e Avokatisë Sarandë ka reaguar me kritika të forta ndaj publikimit nga kryeministri Edi Rama të fotografive të personave protes...
POLITIKE
Gjin Gjoni denoncon prishjet e objekteve në Lezhë: E papranueshme nxjerrja e 12 familjeve në rrugë
PiranjatPërditësimi i fundit 9 Prill 2026, 11:54
Deputeti i Partisë Demokratike, Gjin Gjoni, ka reaguar ndaj ndërhyrjes së Bashkisë Lezhë për prishjen e objekteve pas Katedrales, duke e cilësuar situatën si të papranueshme dhe të padrejtë.
Sipas Gjonit, vendimi për të nxjerrë në mes të katër rrugëve 12 familje, të cilat kanë jetuar prej më shumë se 35 vitesh në ato godina, përbën një akt të pashpirt dhe në kundërshtim me interesin e qytetarëve.
Reagimi i plotë i Gjin Gjonit:
E papranueshme ajo që po ndodh në Lezhë!
Vendimi i Bashkisë për të nxjerrë në mes të katër rrugëve 12 familje, të cilat kanë jetuar prej më shumë se 35 vitesh në godinat pas Katedrales, është një akt i padrejtë dhe i pashpirt.
Ne nuk jemi kundër investimeve publike dhe zhvillimit të qytetit, përkundrazi i mbështesim ato. Por zhvillimi nuk mund të bëhet duke sakrifikuar dinjitetin dhe sigurinë e qytetarëve. Para çdo ndërhyrjeje duhej të ishte garantuar një zgjidhje e drejtë dhe e qëndrueshme strehimi për këto familje.
Bonusi i qirasë i ofruar është i pamjaftueshëm dhe nuk u jep atyre asnjë garanci reale për të ardhmen.
Bashkia Lezhë duhet të reflektojë menjëherë dhe të marrë përgjegjësi, duke siguruar strehim dinjitoz për çdo familje të prekur.
