Këtë të enjte, një ditë pas aksidentit tragjik, do t’i jepet lamtumira e fundit ish-banorit të Big Brother VIP Kosova, Lau...
POLITIKE
Hapet gara për Primaret/ PD: Nëse kryetarët e degëve do të garojnë duhet të dorëhiqen nga detyra
r.llPërditësimi i fundit 23 Janar 2025, 19:26
selia e pd
TIRANË- Partia Demokratike ka nisur me procesin e përgatitjes së zhvillimit të Primareve, nga ku do të dalin kandidatët për deputet në zgjedhjet parlamentare të 11 majit. Sipas raportimeve procesi i primareve në PD pritet të nisë në javën e parë të shkurtit.
Ndërkohë ditën e sotme PD ka ndarë një njoftim për të gjithë kryetarët e degëve lidhur me futjen në garë për deputetë. Në njoftimin e PD-së thuhet se të gjithë ata që duan që të garojnë në Primare, do duhet që të japin dorëheqjen nga drejtimi i degëve të PD. Bëhet gjithashtu me dije se afati i fundit për të depozituar dorëheqjen nga drejtimi i degës, që më pas të garojnë në primare, është data 26 janar.
“Për shkak të përgatitjes së rregullores proceduriale të garës për Primare, të cilat do të përzgjedhin kandidaturat elektorale të PDSH për zgjedhjet për Kuvendin 2025; në zbatim të pikës 4 neni 12 të statutit të PDSH. Ju informoj se nëse keni vendosur të garoni në primare, duke u përfshirë në rrethin e kandidaturave elektorale, brenda ditës së Dielë, datë 26 Janar 2025, duhet të depozitoni dorëheqjen tuaj nga pozicioni i kryetarit të degës pranë Sekretariatit të Organizimit”, thuhet në njoftimin e PD-së.
Një ditë më parë u miratua dhe numi i përgjithshëm i kandidatëve për deputetë që partitë politike duhet të paraqesin në listat që do të dorëzojnë në Komisionin Qëndror të Zgjedhjeve. Sipas KQZ listat për deputetë do të duhet të përmbajnë 186 emra kandidatësh, të ndara në 12 qarqet e vendit sipas mandateve respektive. 46 kandidatë pritet të jenë në listë të mbyllur, ndërkohë që 146 të tjerët do të jenë në listë të hapur.
