Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
POLITIKE
Ilir Meta: 38 milion euro të grabitura nga programi IPARD, të nisin hetimet për abuzimet me fondet
PiranjatPërditësimi i fundit 10 Tetor 2025, 16:24
Presidenti i Partisë së Lirisë, Ilir Meta ka denoncuar se deri tani janë grabitur të paktën 38 milionë euro nga programi IPARD, fondet e Bashkimit Europian që duheshin për mbështetjen e fermerëve shqiptarë. Sipas tij, këto fonde kanë përfunduar në xhepat e korrupsionit, duke u përdorur për inceneratorë të papërfunduara dhe klientë të pushtetit.
Meta, ndër të tjera, shprehet se bujqësia shqiptare është sot sektori më i nënfinancuar dhe diskriminuar, ndërsa çdo vit fermerët humbasin rreth 112 milionë euro ndihma nga BE, për shkak të keqmenaxhimit dhe korrupsionit qeveritar.
Ai kërkon nisjen e menjëhershme të një hetimi për abuzimet me fondet IPARD, duke e konsideruar këtë si një emergjencë kombëtare për të ndaluar shpopullimin dhe falimentimin e sektorit bujqësor në Shqipëri.
Ilir Meta:
Deri më tani janë të paktën 38 milion euro të grabitura nga programi IPARD për mbështetjen e Bujqësisë shqiptare.
Fondet e ndihmës që duhej të shkonin për mbështetjen e fermerëve, kanë përfunduar te inceneratorët që nuk ekzistojnë, në xhepat e korrupsionit të klientëve të pushtetit dhe te patronazhistët.
Sikur të mos mjaftonte fakti që Bujqësia është sot jo vetëm sektori më i nënfinancuar, por edhe më i diskriminuar, çdo vit fermerët shqiptarë humbin 112 milionë euro fonde ndihme nga Bashkimi Europian, sepse për Qeverinë vjedhja e buxhetit të shtetit nuk mjafton më.
Prandaj hetimi i abuzimit me fondet IPARD është një emergjencë kombëtare, për të ndalur shpopullimin, për të shpëtuar Bujqësinë nga falimenti nëpërmjet zhbllokimit të fondeve të BE dhe për t'i rikthyer dinjitetin fermerit shqiptar.
