Inaugurohet “Vila 31 x Art Explora”/ Rama: Ish-rezidenca e një epoke të errët kthehet në një qendër inovative

TIRANA- Kryeministri i vendit, Edi Rama dhe ministri i Ekonomisë, Kulturës dhe Inovacionit, Blendi Gonxhja morën pjesë në inaugurimin e Vila 31 x Art Explora. Gjatë fjalës së tij, Rama tha se ish-rezidenca e një epoke të errët është kthyer në një qendër inovative artistike dhe kulturore.

Ai shtoi se kjo qendër ka mirëpritur rezidentët e parë nga Franca, Tunizia, Libani, Malta, Italia e vende të tjera, duke sjellë një program kulturor të hapur për të gjithë: performanca, diskutime, punëtori, lexime dhe shfaqje filmash.

"Hapim sot Vila 31 në praninë e një publiku të bukur dhe shumë njerëz të ardhur nga Franca. Sot një vatër kulture për të gjithë shqiptarët. Ministri francez për Evropën na nderon sot me praninë e tij. Shtoj se ai ka aftësinë të më befasoj se pavarësisht krizave në Francë ai vazhdon të jetë këtu. Larmia e njerëzve shqiptarë këtu tregon për vlerësimin që ju bëjnë ju dhe njohin vlerën tuaj. Vlerat matet me mënyrat se si njeriu gjendet në botë dhe me veprimet që ka kryer. Në romanin e Don Kishotit, ai shpall secili është bir i veprave të tij", tha Rama ndër të tjera.

edi rama