"Jam rritur me dritën e qiriut në një nga zonat më të izoluara!" Neomalsorja në listën e PS-së: Në shtëpinë time shkohet vetëm me varkë

TIRANA- Kandidatja e parë në listën e mbyllur të Shkodrës për PS-në, Marjana Koçeku, ishte mes të ftuarve në podcastin “Flasim” të kryeministrit Edi Rama. Koçeku prezantoi veten e saj në këtë hapësirë teksa tha se është rritur me dritën e qiriut. Ajo shtoi se atje ku ajo banon në një fshat mes Dukagjinit dhe Shkodrës, shkohet vetëm me varkë. Ajo theksoi se zona e saj është një nga zonat më të izoluara të Ballkanit. 

“Jam rritur mes Dukagjinit të lënë pas dore dhe Shkodrës së baltosur dhe të çorganizuar. Jam rritur në një familje tradicionale të Dukagjinit. Babain e kam pasur kapiten, jam rritur si vajzë e një kapiteti nëpër varka e liqeni. Mamin e kam shtëpiake  jam rritur në një vend që akoma sot nuk shkohet me gjë tjetër veçse me varkë. Jam rritur me dritën e qiriut pa drita, në një nga zonat më të izoluara të Ballkanit. Vazhdon sot të mungojë infrastruktura dhe investimet. Ka qenë një jetë plot sfida, nuk ishte e lehtë as të bësh biznes atje”, tha ajo.

ps