Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"O shkojmë me garë o kurrë mos shkofshim!" Babai në listë të sigurt, Lapaj i përgjigjet kritikave: Po kandidojmë në lista të hapura, mos u manipuloni
M.B.Përditësimi i fundit 15 Mars 2025, 11:50
TIRANA- Kreu i Lëvizjes "Shqipëria Bëhet" Adriatik Lapaj i është përgjigjur kritikave në rrjet për plotësimin me kandidatë fiktivë të pjesës së mbyllur të listave për zgjedhjet parlamentare të 11 majit. Lapaj thotë se ky plotësimi i pjesës së mbyllur së listës me kandidatë për deputetë, me garues fiktivë, ka si qëllim që kandidatët e vertetë të koalicionit të testohen drejtpërdrejtë në elektorat.
Ai ka shtuar se në këto dy vite kanë luftuar që nga mbledhja e 21 mijë firmave, shkrimi i projektligjit dhe deri në gjykatë kushtetuese për të hapur ligjin për listat dhe për këtë, thotë ai "do të luftojmë deri në fund, e jemi në këtë garë për të shkuar në parlament me lista të hapura."
“Pasi e renditëm veten në lista të mbyllura për të shkuar më parlament pa garë sipas modelit të politikës së vjetër, ku punojnë disa për disa, tashmë të kompleksuar totalisht nga vendimi ynë për të hyrë në garë me lista të hapura e për ta renditur të gjithë ne veten në garë me lista të hapura, kanë nisur baltën e gurët për të na thënë e për ta nxjerrë para popullit si njerëzit që po bëkan mëkat të madh që po garonkan në lista të hapura.
Të dashur miq, në këto dy vite kemi luftuar që nga mbledhja e 21 mijë firmave, shkrimi i projektligjit dhe deri në gjykatë kushtetuese për të hapur ligjin për listat dhe për këtë do të luftojmë deri në fund, e ndaj jemi në këtë garë për të shkuar në parlament me lista të hapura. O shkojmë me garë o kurrë mos shkofshim. Mos u manipuloni.
Merrni baltën dhe gurët e tyre, e me baltën e tyre të krijojmë humusin e nevojshëm për ta rritur këtë pemë të re të ndryshimit të atdheut, e me gurët e tyre të ndërtojmë urën për t’i dhënë fund tranzicionit shqiptar, e përmes votave nesër në parlament të mund të detyrojmë këtë sistem të keq të transformohet e të hapë garën që më të mirët të na udhëheqin në çdo fushë të jetës. Ju përshëndes", tha Lapaj.
