"Je bërë edhe meme!" Muzhaqi për nisjen e karrierës në PS: Kur mora telefonatën u impresionova, tani baltosemi shpesh

TIRANA- Ministrja e Shtetit për Rininë dhe Fëmijët Bora Muzhaqi, një herësh dhe kandidate për deputete në listën e mbyllur të Partisë Socialiste, ka ndarë eksperiencën e saj për nisjen e karrierës politike në Shqipëri në podcastin “Flasim” të kryeministrit Edi Rama. Muzhaqi e ka përshkruar me entuziazëm momentin kur u kontaktua nga PS, duke theksuar se në fillim nuk e besonte që do të kishte mundësi për të ndërtuar një karrierë politike në Shqipëri.

Muzhaqi tha se përfshirja e saj në programin “Deputeti që duam” ishte një hap i madh për të, duke theksuar se kur mori telefonatën nga PS, ajo ishte e impresionuar dhe e ndjeu se Shqipëria po kalonte një fazë ndryshimi. Ajo gjithashtu e pranoi se shpesh politikën e ka shoqëruar balta, por theksoi se ajo ka dhënë shumë kontribut për zhvillimin e Shqipërisë dhe është e angazhuar për të sjellë ndryshime pozitive.

Rama: Edhe pse ti je e njohur më shumë se dy të tjerët. Je bërë edhe meme.

Muzhaqi: Unë kam qenë studente ekselente në gjimnaz. Pastaj vendosa pas gjimnazit të iki jashtë. Shkova në Angli dhe aplikova në universitete atje, u pranova në katër universitete dhe nisa studimet për Ekonomi. Pasi përfundova masterin në Angli, dëgjova thirrjen tuaj për studentët që jetojnë jashtë. Më morën dhe më intervistuan për një pozicion te Ministria e Financave. Jam audituese ligjore në Shqipëri dhe në Angli. Pashë “Deputeti që duam” dhe mora pjesë. Në fillim nuk e besoja që portali do ishte i hapur. Kur mora telefonatën nga PS, u impresionova dhe thashë që Shqipëria po ndryshon. Tek pjesa e baltës, keni të drejtë, baltosemi shpesh. Unë kam shumë vite që jap kontribut në Shqipëri.

ps