Viktor Bardhi i vrarë mëngjesin e sotëm në Mirditë është vëllai i Martin Bardhit, i mbetur viktimë e një ate...
POLITIKE
"Janë dhe ca të tjerë që ju premtojnë qiqra në hell"/ Rama ironizon partitë e reja nga Milano: S'kanë asgjë të re përveç moshës së kryetarëve
m.lPërditësimi i fundit 13 Prill 2025, 17:02
ITALI- Kryeminstri Rama gjatë fjalës së tij në takimin me diasporën në Milano ka ironizuar paritetë e reja duke thënë se japin premtime boshe. Rama tha se ato nuk do sjellin asgjë të re përveç fytyrës dhe moshës së kryetarëve.
Kryeministri u bëri thirrje shqiptarëve se kur t'iu vijë fleta për të dhënë votën, mos ta çojnë dëm mundin që do të harxhojnë duke marrë dhe nisur fletën me postë, por të dijnë ku ta japin votën duke thënë se është turp që t'ua japin 'kënetës'.
"Më keni si ropt e shtëpisë, deri në 11 maj bëni kujdes kur hapni frigoriferin se do u dal dhe aty. Duhet të kuptoni që çdo gjë tjetër, të të vij zarfi me votën, do e hapësh zarfin, do ulesh dhe të vësh votën, ta fusësh në zarf e të marrësh rrugë për ta çuar te posta, dhe ta bësh gjithë këtë mundim për ta hedhur votën në një kënetë, është vërtet turp.
Janë dhe ca të tjerë që vijnë vërdallë, ne jemi dhe forcë e re, jo bëhet jo s’behët, jo mundet jo s’mundet, jo bashkë jo veç. Dëgjoni, ato të re kanë vetëm fytyrën dhe moshën e kryetarëve, asgjë të re, kanë mbushur listat me farefis, vjehrrin, vjehrrën, baxhanakët, e ju premtojnë qiqra në hell. Të çosh votën dhe për ata, është ta çosh dëm.
Ne na duhet të bëhemi një, të bëhemi tamam si gishtat e kësaj dore, dhe ta vendosim vetëm fatin evropian të Shqipërisë. Pas 11 majit, me 16 maj, e gjithë Evropa, do të zbresë në sheshin Skënderbej, të gjithë udhëheqësit e kontinentit," tha Rama.
