Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
"Ju jeni rreshtorë, ndërsa ne jemi deputetë"/ Ina Zhupa: Keni ngritur vila me fondet e BE-së
PiranjatPërditësimi i fundit 8 Tetor 2025, 11:19
Deputetja e Partisë Demokratike, Ina Zhupa, ka hedhur akuza të forta ndaj mazhorancës gjatë Konferencës së Kryetarëve, duke deklaruar se Kuvendi po shndërrohet në një “rreshtore” të Partisë Socialiste dhe se nuk po respektohen rregullat e parlamentarizmit.
Zhupa e cilësoi sjelljen e mazhorancës si një shkelje të rëndë të rregullores, duke e konsideruar këtë si një dështim të qeverisjes dhe kërcënim për funksionimin e institucioneve demokratike.
“Ju jeni thjesht një zgjatim i qeverisë, por minimalisht duhet të respektoni rregulloren, që është një detyrim kushtetues dhe rregullator,” tha ajo, duke kritikuar mungesën e hapësirës për debat në Kuvend dhe duke theksuar se parlamentarizmi ka rënë dhe duhet rikthyer në një sistem të drejtë dhe transparent.
Sipas Zhupës, Kuvendi është kthyer në “rreshtore të grupit të Partisë Socialiste”, ndërsa deputetët e PD-së do të vazhdojnë të përfaqësojnë interesat e qytetarëve dhe të ngritin shqetësime të rëndësishme për të ardhmen e vendit.
Në vijim, ajo akuzoi ish-ministren e Bujqësisë, Frida Krifca, për keqpërdorim të fondeve të OLAF-it, organizatë që mbikëqyr përdorimin e fondeve të Bashkimit Evropian.
Zhupa e akuzoi Krifcën për vjedhje të fondeve dhe ndërtim të vilave luksoze në zonën e Dhërmiut, duke përdorur para nga programet e mbështetura nga BE.
Ina Zhupa: Nuk u surprizova. Ju ketu jeni zgjatim i qeverisë. Por minimalisht duhet të respektoni Rregulloren.
E keni detyrim kushtetues dhe rregullator. Keni krijuar një standard ku nuk pranoni asnjë debat. Ka rënë parlamentarizmi, duke e kthyer Kuvendin në një rreshtore të grupit të Partisë Socialiste.
Ju jeni rreshtorë, ndërsa ne jemi deputetë që përfaqësojmë interesat e qytetarëve dhe do të vazhdojmë ta bëjmë këtë.
Ka një moment ku nuk jam dakord me z. Bardhi, kur thotë se nuk keni bërë asgjë për fondet IPARD. Keni bërë! Pasi vodhi fondet, Keni marrë znj.
Krifca dhe e keni bërë nga drejtoreshë, ministre nga ministre, këshilltare në Kryeministri. Ndërkohë, me fondet e Bashkimit Evropian, ngrihen vila në Dhërmi.
