Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
POLITIKE
'Ka ministra që japin llogari te Balluku!' - Vangjeli: Nesër ka gjasa të jetë sekretare e përgjithshme e PS-së
PiranjatPërditësimi i fundit 30 Mars 2026, 22:34
I ftuar në studion e “Çim Peka Live’ në Syri TV, analisti Lorenc Vangjeli thotë se kryeministri Edi Rama e largoi Belinda Ballukun nga qeveria për ta shpëtuar nga SPAK ndërsa po i jep pushtet në PS. Madje parashikon që Balluku shumë shpejt do të ketë një post shumë të rëndësishëm brenda kësaj partie.
"Rama me veprime e mos veprime të tij ka ndikuar që procedura të helmojë procesin. Prandaj cdo gjë që bën sot në raport me këdo shihet me dyshim e me probleme.
Me zonjën Balluku, pot ë mendohej më gjatë, do ë duhej ta kishte mbyllur që në nëntor (2025). E mbajti, u zvarrit dhe në shkurt u detyrua të tërhiqet sepse kështu do të shkonte. E largoi nga qeveria sepse deri atje e kap dora e gjatë e SPAK. Sot e ka futur në Parti. Sot në parti zonja Balluku është njeriu më i fuqishëm. Nesër me gjasë mund të jetë dhe sekretare e përgjithshme e asaj partie. Ka ministra që shkojnë e japin llogari atje," tha Vangjeli.
Për analistin Rama krijoi SPAK si kamxhik për kundërshtarët pa e ditur se po krijojin një krijesë që do u hante kokën.
"Rama e krijoi si kamxhik për kundërshtarët. Ndërsa e shiti si meritë politike për tu dhënë shqiptarëve drejtësinë e munguar. Pa Edi Ramën, PS madje edhe pa votat vendimtare të Ilir Metës, që sot e harrojnë dhe është viktimë direkte e SPAK nuk do të ishte krijuar ajo. Vetë shqiptarët as nuk e kishin këtë dëshirë. Madje ca njerëz që në atë kohë kur u votua, ca njerëz më të mencur se ata që ngritën duart se do u hante kokën atyre. Sot qeverisja është targeti."
