Nuk është vlerësuar sa një Lamin Jamal apo Rodri.
As nuk ka qenë shpëtimtari i minutave të fundit si Mikel Merino.
Gjiths...
POLITIKE
"Kam një foto më të bukur ku pistoletën e kam vënë në kokë të Ramës", Adriana Kalaja përfundon nën hetim për kanosje ndaj kryeministrit
n.fPërditësimi i fundit 26 Korrik 2024, 13:13
Rama dhe Kalaja
TIRANË- Policia e Tiranës ditën e sotme ka referuar avokaten e Aleancës për Mbrojtjen e Teatrit Kombëtar Adriana Kalanë në prokurori, duke e akuzuar për kanosje ndaj kryeministrit Edi Rama për shkak të detyrës. Procedimi ndaj Kalasë ka nisur për shkak të një deklaratë të saj në protestën përpara Bashkisë së Tiranës, ku deklaroi se nuk e lodh as mikrofoni dhe as pistoleta.
“Ju e dini se mua nuk më lodh as mikrofoni, as pistoleta. Jam këtu për t’i thënë ndokujt, mjaft u more me foton time me pistoletë sepse kam një foto më të bukur ku unë pistoletën e kam vënë në kokë të Edi Ramës,” tha ajo. Për këtë deklaratë të saj, policia kërkon hetime për kanosje për shkak të detyrës të kryeministrit.
Mbrëmjen e kaluar, kreu i opozitës, Sali Berisha, deklaroi se Edi Rama tmerrohet se mos po e vret Adriana Kalaja. Sipas Berisës Edi Rama urdhëron Taulantin e tij të shoqërojë në polici zonjën Kalaja, sepse fjalën e tij, kritikat, i konsideron shigjeta dhe plumba vetë, por jo më pak edhe e shoqja e tij, që u thoshte gazetarëve që po u bëni gjilpëra helmi burrit tim. Adriana Kalaja gjithashtu ka bërë një seri denoncimesh të forta, të cilat i ka depozituar edhe në SPAK, kundër Edi Ramës dhe Erion Veliajt.
