Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
POLITIKE
Kërkesa e SPAK për arrestimin e Ballukut/ Elda Hoti: Shtyrja e mbledhjes, skenar i organizuar!
PiranjatPërditësimi i fundit 28 Janar 2026, 14:52
Deputetja e Partisë Demokratike, Elda Hoti e cilësoi një skemë të organizuar shtyrjen e mbledhjes së sotme të Këshillit të Mandateve dhe Imunitetit, ku pritej të shqyrtohej kërkesa e SPAK për heqjen e imunitetit të Belinda Ballukut, zëvendës kryeministre dhe ministre e Infrastrukturës dhe Energjisë, dhe hapjen e rrugës për arrestimin e saj për abuzime me tenderat.
Në një intervistë, deputetja theksoi se për shtyrjen e mbledhjes u njoftuan përmes një mesazhi në WhatsApp, dhe pa shpjegim të arsyes.
Ajo akuzoi se Kuvendi po përdoret për të penguar drejtësinë që të bëjë detyrën e saj, dhe se pas qëndron kryeministri Edi Rama.
“Ne deputetët u njoftuam me një mesazh në ËhatsApp që anulohet mbledhja e sotme, ishte një skemë e orkestruar nga njeriu që qëndron pas çdo afere, Edi Rama, që po përdor çdo mekanizëm për të mbrojtur veten e tij dhe penguar drejtësinë. Po kërkon të fitojë kohë duke zvarritur procedurat, përdorur kuvendin dhe Gjykatën Kushtetuese.
Duke e konsideruar si bllokim të qëllimshëm institucional dhe akt i hapur kundër drejtësisë, Hoti shtoi se çdo vonesë i shërben Edi Ramës, që sipas së cilës qëndron pas të gjitha aferave, dhe të pandehurës “Belinda Balluku që të vazhdojë të intimidojë dëshmitarët dhe të prishë provat. “
