Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
POLITIKE
Kërkojnë shkarkimin e saj pas vrasjes së gjyqtarit, Koçiu i përgjigjet opozitës
PiranjatPërditësimi i fundit 9 Tetor 2025, 11:35
Ministrja e Drejtësisë, Albana Koçiu, ka replikuar me opozitën ndaj ndaj akuzave lidhur me përgjegjësinë për vrasjen e gjyqtarit Astrit Kalaja, duke u shprehur se policia e shtetit ka vepruar në përputhje me ligjin dhe se nuk është ajo e cila duhet të mbajë përgjegjësi për ngjarjen.
Koçiu iu është përgjigjur deputetëve të opozitës, duke i akuzuar ata se përdorin një gjuhë të padrejtë ndaj saj, ku mohoi dhe akuzat se kishte mashtruar dhe gënjyer në lidhje me hetimet dhe masat për sigurinë.
"Ju e dini shumë mirë se nëse do të kishte përgjegjësi një polic i shtetit, sot do të ishte në arrest. Policia ka vepruar në përputhje me ligjin dhe kësaj i qëndroj nga mëngjesi deri në darkë," tha Koçiu, duke shtuar se ajo nuk është përgjegjëse për vrasjen e gjyqtarit.
Ajo iu kundërpërgjigj edhe deputetit demokrat Flamur Noka, i cili iu drejtua me akuza për mosmarrjen e masave të nevojshme për sigurinë e gjyqtarëve. "Përgjegjësë për vrasjen nuk jam unë, jeni ju, nga mëngjesi deri në darkë me këtë lloj gjuhe që përdorni," tha Koçiu, duke u shprehur më tej se nuk do të intimidoheshin nga akuzat e opozitës dhe se nuk pranon të akuzohet padrejtësisht.
