Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
POLITIKE
“Koha për sakrificë dhe guxim”- Deputetja e PD: Balluku me 300 apartamente me taksat e vjedhura, qytetarët nuk kanë bukë të hanë!
PiranjatPërditësimi i fundit 22 Dhjetor 2025, 19:03
Deputetja e Partisë Demokratike, Elda Hoti, denoncoi qeverinë për korrupsionin dhe kapjen nga krimi i organizuar, si dhe zv/kryeministren Belinda Balluku që në momentin që qytetarët vuajnë nga varfëria sociale, ajo pasurohet me 300 apartamente nëpërmjet vjedhjes së taksave të shqiptarëve.
Nga podiumi i protestës kombëtare mbrëmjen e sotme, ligjvënësja akuzoi pushtetin dhe kryeministrin Edi Rama se po veprojnë si bandë kriminale dhe se sot është koha për sakrificë dhe guxim për ta rrëzuar regjimin.
“Ju jeni shpresa që Shqipëria së bashku të rikthejë dinjitetin, jeni fuqia e vetme e misionit tonë kundër krimit të organizuar dhe pushtetit të korruptuar. Ju jeni forca jonë. Të flasësh për narkoregjimin nuk është e lehtë. Belinda Balluku ka shtëpi për të mbajtur çelësat e 300 apartamenteve për të hapur dyert e tyre, duke vjedhur taksat e qytetarëve shqiptarë, kurse qytetarët nuk kanë bukë të hanë. Ose shishet e verës së Ergys Agasit dhe kur krimi bashkohet me shtetin, gjithçka ka marrë fund. Sa shishe pinte kryeministri Rama me 200 mijë euro, ndërkohë që Onkologjiku ishte pa ilaçe”, tha Hoti.
Deputetja demokrate denoncoi shkatërrimin ekonomik të vendit dhe shpopullimit, por duke u bashkuar, ata nuk do e lejonin.
“Nuk do pranojmë që kjo bandë hajdutët të na vjedhë çdo ditë e të shkatërrojë Shqipërinë. Çfarë zhvillimi është ky kur pushteti bashkohet me krimi. Kur të vjedh ai që duhet të na ruaj, ku duhet të ankohemi. Sot nuk kemi qeveri, sepse në krye të saj qëndron një kryeministër që është kreu i krimit dhe nuk mendon për Shqipërinë.
Ne flasim për zhvillim, por çfarë zhvillimi është ky kur pensionistët marrin qindarka dhe çiftet e reja punojnë gjithë jetën për një shtëpi, kurse zv/kryeministrja ka shtëpi që mban vetëm çelësat. Apo verërat e shtrenjta, si ajo që pinte kryeministri. Bodrumi me verë i Gysit sa kosto që i duhet spitalit Onkologjik që të investojë në shërbim të pacientit”.
