Konflikti në Ukrainë/ Marco Rubio dhe Steve Witkoff do të marrin pjesë në bisedimet në Paris

SHBA- Sekretari amerikan i Shtetit Marco Rubio dhe i dërguari i posaçëm i Trump, Steve Witkoff do të udhëtojnë në Paris këtë javë për të zhvilluar bisedime mbi Ukrainën, ndër temat e tjera. Bëhet e ditur se Witkoff do të takohet me presidentin francez Emmanuel Macron, ndërsa Rubio do të takohet me homologun francez Jean-Nowl Barrot.

Gjatë vizitës, ata planifikojnë të diskutojnë çështjet e Ukrainës, Iranit dhe tregtisë në kontekstin e luftës tarifore të Donald Trump. Udhëtimi do të jetë vizita e parë e zyrtarëve të lartë amerikanë në Francë që nga mbërritja e Zëvendës Presidentit JD Vance në samitin e AI në shkurt.

Franca, së bashku me Britaninë e Madhe, udhëheq një grup vendesh që punojnë në mënyrë aktive mbi opsionet e mundshme për garancitë e sigurisë për Ukrainën. Javën e kaluar, Steve Witkoff u takua me sundimtarin rus Vladimir Putin.

Gjatë fundjavës, ai pati kontaktin e tij të parë të drejtpërdrejtë me Iranin nën administratën Trump. Witkoff i përshkroi bisedimet e tij me Putinin si "bindëse" dhe tha se mundësia e një marrëveshjeje qëndron në pesë territore.

shba marco rubio. steve witkoff