Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
KQZ miratoi tabelat përmbledhëse të rezultateve për 12 qarqe/ Afatet për të ankimuar dhe si veprohet deri në certifikimin përfundmitar të rezultatit zgjedhor
n.fPërditësimi i fundit 24 Maj 2025, 17:59
TIRANË- Komisioni Qendror i Zgjedhjeve. KQZ ka miratuar tabelat përmbledhëse të rezultateve për 12 qarqeve te vendit. Pas miratimit të rezultatit të zgjedhjeve partitë kanë të drejtë të ankimojnë rezultatet, gjë e cila është kryer nga Partia Demokratike. PD ka depozituar në KQZ kërkesën për shpalljen të pavlefshme të zgjedhjeve të 11 majit në qarkun e Kukësit.
Ankimimi mësohet se duhet bëhet brenda 5 ditëve në Komisionin e Ankimimeve dhe Sanksioneve (KAS) pas shpalljes së vendimit të KQZ-së. Pala që ankimon rezultatin paraqet faktet dhe pretendimet e tij në lidhje me qarkun ku sipas tyre ka patur parregullsi. Pas vendimit të KAS mund të ankimohet më tej në Kolegj Zgjedhor brenda 3 ditëve nga data e shpalljes së vendimit.
Rezultati i zgjedhjeve "vuloset" në momentin kur janë përfunduar të gjitha procedurat e ankimimit si dhe të jenë dhënë vendimet përfundimtare nga KAS dhe Kolegji Zgjedhor. KQZ certifikon zyrtarisht rezultatin përfundimtar të zgjedhjeve në rang kombëtar. Shpërndahen mandatet për 140 deputetët e zgjedhur dhe KQZ i dërgon Kuvendit listën e deputetëve të rinj.
Në rastin e zgjedhjeve të 11 maji procesi i vulosjes së rezultateve të zgjedhjeve do të përfundojë pasi anikimimi i PD-së të marrë përgjigjen. PD në ankimim shprehet se qytetarët e Kukësit ashtu si edhe qytetarë në qarqe të tjera janë vënë përballë zgjedhjesh jo të lira, por të blera ku shpërblimi lidhej direkt me mbështetjen për subjektin në pushtet. Më tej theksohet se opozita nuk hyri në garë me një fushatë të lirë dhe të ndershme, por u përball me një kundërshtar që gëzonte të gjitha resurset shtetërore apo publike.
Sipas PD-së problematika më e rëndë e zgjedhjeve të 11 majit mbetet procesi i votimit të Diasporës të cilën e cilësuan si "thembra e Akilit". Ndër problematikat e tjera të theksuara në kërkesë janë: Intimidimi dhe presioni mbi votuesit dhe përdorimi i burimeve shtetërore dhe klientelizmi.
