Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
POLITIKE
Kryemadhi: Akuzohem për korrupsion për një shtëpi që kisha porositur para ligjit për minierat!
PiranjatPërditësimi i fundit 27 Prill 2026, 12:39
Seanca e parë në themel për Ilir Meta dhe Monika Kryemadhin është shtyrë për në datën 11 maj. Mësohet se avokatja e Fatime Kryemadhit kërkoi ndërprerje të seancës, për shkak se nuk ka në prokurë tagrat për të kërkuar gjykim të shkurtuar.
Ndërkohë në një deklaratë për mediat, pas seancës, Monika Kryemadhi u shpreh se në shqyrtimin paraprak është vendosur që t’i vihet në dispozicion aktekspertimi i telefonit dhe përgjimet telefonike.
“Prokuroria përdor një mesazh që unë kam thënë dua të marr një shtëpi, që kam shkuar e kam parë në qershor, korrik dhe në shtator e kan anuluar. Dhe prokuroria thotë që kjo është korrupsion. Unë kam blerë një shtëpi te kodra e diellit. Është si të shkosh në një dyqan provon një fustan, provon disa dhe nuk i merr të gjitha, por merr vetëm një. Prokuroria pretendon se kjo shtëpi është marrë si premtim për ligjin e minierave, për të cilën ky ligj është vendim kolegjial. Ligji për minierat ka të bëjë me sigurinë e punëtorëve. Një shtëpi e porositur 6 muaj para së të vinte ligjit. Një ligj i propozuar nga Damian Gjiknuri”, tha Kryemadhi.
E pyetur nëse ky gjykim mund t’i bashkojë me Ilir Metën, ndërkohë që hetimi i ndau, Kryemadhi u përgjigj kështu:
“Ka dy gjëra të ndryshme nga ato që ndodhin në jetën e përditshme. Unë e mbarova big brotherin tim për të folur për emocionit, tani fillon beteja me drejtësinë dhe beteja që ka të bëjë me opinionin publik. Duke patur parasysh që një sistem drejtësie që funksion me regji politike dhe kërkon të bëjë statistika, aq më tepër duke mbajtur Metën e Veliajn në burg, për të thënë që kjo klasë politike e bëri shpagimin, nuk ka reagim të opinionit publik, kemi statistika dhe ecim përpara si në kohën e Partisë së Punës, ku ligjin e bën kryetari i partisë, drejtësinë i bën kryetari i partisë dhe gjykimet i bën kryetari i partisë, i cili është Edi Rama”.
