I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
"Kurti po planifikon një 'Banjska 2' "/ Deputeti i PDK: Nëntë shkurti është një mundësi për ndalimin e shkatërrimit të Kosovës!
E.DPërditësimi i fundit 25 Nëntor 2024, 11:47
KOSOVË- Deputeti i Partisë Demokratike të Kosovës (PDK), Hisen Berisha është shprehur se kryeministri i Kosovës Albin Kurti po planifikon një “Banjska 2” për ta përdorur në favor të zgjedhjeve të 9 shkurtit dhe për ti shërbyer dhe Aleksandar Vuçiçit që të tejkalojë krizën e protestave në Serbi.
Deputeti i PDK-së gjatë intervistës në Euronews Now tha se nëntë shkurti është një mundësi për ta sjellë ndryshimin e madh për ndaljen e Albin Kurtit dhe axhendës së tij për shkatërrimit të Kosovës. Gjithashtu ai u shpreh se Kurti po planifikon në mes të datave 6-9 janar një skenar të tipit Banjska që ti mbajë të dy në pushtet, dhe Kurtin dhe Vuçiçin.
“Nëntë shkurti është një mundësi për ta sjellë ndryshimin e madh për ndaljen e Albin Kurtit dhe axhendës së tij për shkatërrimit të Kosovës. Dhe unë po ju them që Albin Kurti po planifikon në janar një Banjska të dytë, diku në veri të Kosovës apo në pjesë tjera ku ka komuntet serb dhe dihet edhe me datë se kur e planifikon, vetëm e vetëm që ta shpëtoj Vuçicin nga kriza pasi atje kanë filluar përsëri protestat kundër tij dhe ta kthej vëmëndjen te Kosova. Me këtë ai do të krijoj një penallti që ky të ndërhyjë me polici dhe me heroizmin e tij dhe ta rrisi prestigjin e vet për votat e 9 shkurtit. Le të hetohet kjo që po them unë nga insitucionet pasi ai planifikon në mes të datave 6-9 janar një krizë tjetër, një skenar të tipit Banjska që ti mbajë të dy në pushtet, dhe Kurtin dhe Vuçiçin," tha deputeti i PDK.
