Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
POLITIKE
Letra ndaj Klodian Brahos, Meta: Lidhet me marrjen e informacioneve nga një gjykatë e SHBA-ve, nuk e kam akuzar për fshehje provash
PiranjatPërditësimi i fundit 20 Maj 2026, 22:02
Ish-presidenti i vendit, Ilir Meta ka treguar se çfarë i ka kërkuar kreut të SPAK-ut, Klodian Brahos përmes një letre që i ka dërguar atij. Në një intervistë nga qelia e paraburgimit, Meta u shpreh se i është drejtuar Brahos si përfaqësues i SPAK-ut në marrëdhënie me të tretët dhe për asistencën ndërkombëtare.
Meta theksoi se letra nuk i është dërguar për ta akuzuar për fshehje provash, sepse ai nuk është prokuror i çështjes së tij. Sipas tij letra lidhet me marrjen e informacioneve nga një gjykatë e SHBA-ve, që i siguron atij një mbrojtje më efektive në procesin gjyqësor.
Ilir Meta: Letra ime është publike, shumë korrekte. I është drejtuar atij, jo për ta akuzuar për fshehje provash, sepse ai nuk është prokuror i çështjes sime, unë e di shumë mire përgjegjësinë që ka drejtuesi i SPAK-ut, dhe e di që përgjegjësinë për çdo shkelje dhe respektim të ligjit e ka prokurori i çështjes. Z.Braho i jam drejtuar vetëm në një aspekt, si përfaqësues që është i SPAK-ut në marrëdhënie me të tretët dhe për asistencën ndërkombëtare.
Çuditërisht është bërë një kërkesë përmes Ministrisë së Drejtësisë që një gjykatë amerikane, të mos i japë asnjë informacion LSI-së për dy vjet deri në 23 qershorin që vjen, atëherë si do mbrohem unë për një akuzë kur s’kam akses në prova. Kjo është tërësisht absurd.
Plus ajo është marrëveshje e zakonshme, që s’ka asnjë problem të sigurisë kombëtare apo të sigurisë së SHBA. Ajo është një kërkesë artificiale, që duhet sqaruar e ka bërë Ministria e Drejtësisë apo prokurorët e SPAK-ut, sepse ajo cenon rëndë mbrojtjen efektive. Nuk ka pasur asnjë akuzë që Braho po fsheh provat.
