Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Ligji i blofit ishte ligji i faljes së gjobave", Berisha: Qeveria e PD-së do iu rikthejë qytetarëve çdo qindarkë që kanë paguar
r.llPërditësimi i fundit 18 Dhjetor 2024, 13:01
pamje nga mbledhja
TIRANË- Grupi Parlamentar i Partisë Demokratike po zhvillon mbledhje sot në selinë blu. Kreu i grupit, Gazment Bardhi tha se në mbledhjen e sotme do të diskutohet lidhur me seancën e nesërme plenare.
Para nisjes së mbledhjes me dyer të mbyllura ka mbajtur fjalën edhe kreu i PD-së, Sali Berisha. Ai e konsideroi ligjin për faljen e gjobave si "ligji i blofit" të mazhorancës. Berisha u shpreh se qeveria e PD-së do iu rikthejë qytetarëve çdo qindarkë që kanë paguar.
Lideri i opozitës tha se nesër në parlament do të dorëzojë amendamentin e PD-së ku do të kërkojnë faljen e të gjitha gjobave dhe kamatë vonesave që ekzistojnë për energjinë elektrike, për të gjitha shtresat në nevojë dhe bizneset e vogla pa përjashtim.
PJESË NGA FJALA E BERISHËS:
Siç e shihni, narkoqeveria është angazhuar e tëra në përdorimin e shtetit elektoral për qëllime elektorale. Me një procedurë mashtruese, të paligjshme, radhën e kaluar donin të kalonin ligjin e blofit. Ligji i blofit ishte ligji i faljes së gjobave që nuk janë gjoba sepse asnjë gjobë e vendosur mbi atë nen të rrëzuar nga Gjykata Kushtetuese, jo vetëm që nuk mund të kërkohet, por detyrohet shteti, dhe i garantoj ata që i kanë paguar se qeveria e PD do t’i rikthejë ato gjoba. Përderisa gjykata e ka gjetur antikushtetues nenin, qindarkë për qindarkë, kushdo që paguar gjobë mbi atë nen, do marrë gjobën mbrapsht.
Së dyti, Gazi ka përgatitur një amendament dhe është dorëzuar në parlament, ne do kërkojmë faljen e të gjitha gjobave dhe kamatë vonesave që ekzistojnë për energjinë elektrike, për të gjitha shtresat në nevojë dhe bizneset e vogla pa përjashtim. Është një vendim, ju e patë se për çfarë i përdor OSSH dhe KESH paratë, i ndajnë njëri me tjetrin, në një kohë që atyre që nuk kanë realisht për të paguar, u presin dritat, i arrestojnë dhe e përdorin si një mjet dhune dhe presioni ndaj tyre. Kjo përputhet plotësisht me angazhimin tonë që në 100 ditët e para do përcaktohet kuadri ligjor i çmimeve të energjisë elektrike në përputhje me rrogat dhe pensionet.
Nuk mund të paguajë kurrë një rrogë të ulët apo qoftë edhe rrogëmesëm sa paguan rrogëlarti apo ai që merr 5 mijë dhe 10 mijë euro në muaj. Nuk ndodh kjo. Ndaj edhe atij do i garantohet minimumi bazë i enegjisë për funksionimin e familjes. Mos harroni se e kemi pasur dhe e kemi pasur me Bankën Botërore, fashoja në të cilën paguhej me 7 lekë energjia përfshinte shumicën dërrmuese të familjarëve në Shqipëri. Por kjo do jetë edhe më e ulët. Do t’u proporcionohet se ju e patë, u merren 3 pensione me TVSH-në e ushqimeve dhe gjërave të tjera bazë. 2 pensione u merren më ujë, drita dhe këto shpenzimet, jo, nuk mundet kjo. Kjo do marrë fund. Ndaj dhe ne e propozojmë nesër dhe e bëjmë këtë për të dërguar një mesazh të qartë për shqiptarët se e kemi detyrim ndaj jush në 100 ditët e para të qeverisjes tonë për ta shndërruar në ligj.
