Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
Mblidhet Komisioni për “Territorialen”/ “Të mos bëjmë populizëm për datat”, Tabaku: Të miratojmë kalendarin e punës, jo të nxitojmë me dokumentin!
PiranjatPërditësimi i fundit 16 Shkurt 2026, 13:57
Deputetja e Partia Demokratike, Jorida Tabaku, gjatë mbledhjes së Komisionit të Reformës Territoriale, theksoi se detyrimi i këtij komisioni në këtë fazë është miratimi i projekt-kalendarit të punës dhe jo kalimi i menjëhershëm i dokumentit aktual.
Sipas saj, amendamentet duhet të kalojnë me vendime të veçanta dhe procesi nuk duhet të nxitohet. “Të mos nxitohemi që të kalojmë dokumentin siç është sot, por të kalojmë projekt-kalendarin”, u shpreh Tabaku.
Ajo ngriti gjithashtu shqetësime për rolin e sekretarit të komisionit, duke theksuar se funksionet e tij janë të përcaktuara qartë nga Parlamenti dhe përfshijnë koordinimin e punës me sekretariatet teknike dhe mes dy bashkëkryetarëve.
Deputetja propozoi që në kuadër të kalendarit të identifikohen qartë ligjet bazë që do të kërkojnë ndryshime. Lidhur me sondazhin publik, ajo bëri me dije se është kërkuar një ndryshim, ndërsa për afatet theksoi se nuk duhet bërë populizëm. “Qoftë brenda shkurtit apo marsit, ne jemi këtu. Kemi nevojë të lëmë hapësirën e duhur për një proces serioz dhe të plotë”, deklaroi Tabaku.
Tabaku: detyrimi i këtij komisioni sot është për të miratuar pr.kalendarin e punës. Amendamentet do të kalojnë me vendime të veçanta. Ne të mos nxitohemi që të kalojmë dokumentin siç është sot, por të kalojmë pr.kalendarin. Kisha disa shqetësime për punën e sekretarit. Parlamenti e ka të përcaktuar funksionet e sekretarit. Ai koordinon punën me sekretariatet teknike, dhe mes dy bashkëkryetarëve. Propozimet që kisha për kalendarin; duhet të identifikojmë ligjet bazë që do të ndryshojnë dhe në rastin e sondazhit publik, kemi kërkuar një ndryshim. Për datën mos të bëjmë populizëm. A bëhet brenda shkurtit apo marsit, ne këtu jemi. Kemi nevojë për të lënë hapësirën e duhur.
